Ulttyq qundylyqtar saraptaldy

Elordadaǵy Ulttyq akademııalyq kitaphanada IýNESKO jáne ISESKO isteri jónindegi Qazaqstan Respýblıkasy Ulttyq komıssııasy janyndaǵy Materıaldyq emes mádenı muralardy qorǵaý jónindegi ulttyq komıtettiń altynshy otyrysy boldy. 2003 jyly Parıjde qabyl­danǵan «Materıaldyq emes mádenı murany qorǵaý týraly» Konvensııa 2011 jyly 23 jeltoqsanda Qazaqstan tarapynan maquldanǵan bolatyn. Osyǵan baılanysty IýNESKO jáne ISESKO isteri boıynsha elimizdiń Ulttyq komıssııasy janynan Materıaldyq emes mádenı muralardy qorǵaý jó­nindegi ulttyq komıtet quryldy. Elbasynyń 2003 jylǵy Qa­zaq­stan halqyna Joldaýy negizinde dúnıege kelgen memlekettik «Má­denı mura» baǵdarlamasy sheń­­berinde óshkenimiz janyp, jo­ǵalǵanymyz jańǵyrdy. Mádenı muralarymyzdy jınaý, júıeleý jolynda materıaldyq nysandar basty nazarda bolyp, rýhanı qundylyqtarymyzdyń keıbirin eleýsizdeý qaldyrǵanymyz ras. Soǵan qaraı, 2013 jyly 29 sáýirde Úkimettiń №408 qaý­ly­sy­men «Qazaqstan Res­pýb­lı­ka­synda Materıaldyq emes murany qorǵaý jáne damytý jónindegi tujyrymdama» qabyldandy. Tu­jyrymdamanyń maqsaty – Qazaqstan halqynyń materıaldyq emes mádenı murasyn qorǵaý, damytý jáne nasıhattaý úshin qolaıly jaǵdaılar jasaý bolyp belgilendi. Mádenıet mınıstrligi, IýNESKO jáne ISESKO isteri jó­nindegi Ulttyq komıssııasy janyndaǵy Materıaldyq emes má­denı muralardy qorǵaý jó­­nin­degi ulttyq komıtetiniń uıym­dastyrýymen ótken basqosýda adam­zattyń materıaldyq emes mádenı murasynyń kórneki tizi­mine jáne IýNESKO-nyń jedel qorǵaý tizimine engizý úshin ult­tyq ótinim berý jóninde máse­le­ler qaralyp, oǵan elimizdiń qun­dy­lyqtary bolyp sanalatyn negizgi nomınasııalar usynyldy. Olar: «Búrkitpen ań aýlaý» men «Dástúrli asyq oıyndary» (ál-Farabı atyndaǵy Qazaq ulttyq ýnıversıteti), «Qazaq zergerlik óneri. Kúmisti óńdeýdiń dástúrli óneri» (M.Áýezov atyndaǵy Áde­bıet jáne óner ınstıtýty jáne Qazaqstan Qolónershiler odaǵy), «Batyrlar jyry» men «Qyz Jibek» eposy (M.Áýezov atyndaǵy Ádebıet jáne óner ınstıtýty), «Qobyzda oınaý óneri» men «Qazaqtyń dástúrli ánshilik óneri» (Qazaq ulttyq О́ner ýnıversıteti), «Dombyra aspabyn jasaý óneri» (Abaı atyndaǵy Qazaq ulttyq pedagogıkalyq ýnıversıteti jáne Qazaqstan Qolónershiler odaǵy) men «Qorqyt ata kúıleri» (Qorqyt ata atyndaǵy Qyzylorda memlekettik ýnıversıteti). Otyrysqa Materıaldyq emes mádenı muralardy qorǵaý jó­nindegi ulttyq komıtettiń tór­aǵasy Álibek Asqar, komıtet mú­­sheleri, akademık Seıit Qas­qa­basov, ǵalym Shákir Ybyraev, sa­rap­shy-ǵalymdar – Saýytbek Ab­drahmanov, Saıda Elamanova, Dı­han Qamzabekuly, Serikqazy Qorabaı, Evfrat Mambekov, Jan­erke Shaıkózova, Baımurat Os­panov sııaqty sala mamandary qatysty. Is-shara barysynda ál-Fa­ra­bı atyndaǵy Qazaq ulttyq ýnı­versıtetiniń dosenti Sábıra Qul­sarıeva, M.Áýezov atyndaǵy Ádebıet jáne óner ınstıtýtynyń dosenti Serikqazy Qorabaı, Qazaq ulttyq О́ner ýnıversıtetiniń laboratorııa meńgerýshisi Bazaraly Múptekeev, professor Saıda Elamanova, Abaı atyndaǵy Qazaq ulttyq pedagogıkalyq ýnı­ver­sıtetiniń professorlary Baı­murat Ospanov pen Janerke Shaı­kózova men Qorqyt ata atyn­daǵy Qyzylorda memlekettik ýnıversıtetiniń dosenti Ǵabıt Tuıaqbaevtar atalǵan nomınasııalar boıynsha jeke-jeke derekti fılmderdi kórsete otyryp, ár qundylyqtyń mán-mańyzyna toqtalyp, keń kólemde túsinik berip ótti. Berik SADYR, «Egemen Qazaqstan».