«Otty ózen» kórkem fılminiń kórsetilimi

  Pekındegi Reseı mádenı ortalyǵynda Qazaqstannyń QHR-daǵy elshiliginiń uıymdastyrýymen «Otty ózen» kórkem fılminiń kórsetilimi ótti. Sharaǵa QHR Syrtqy ister mınıstriniń orynbasary Chen Gopın, QKP Ortalyq komıtetiniń Halyqaralyq bólimi basshysynyń orynbasary Chjoý Lı, ShYU Bas hatshysy D.Mezensev, Reseı, Belarýs, Grýzııa, О́zbekstan, Ázerbaıjan, Tájikstan, Vetnam jáne basqa elder elshilikteriniń basshylary men ókilderi qatysty. Qazaqstannyń Qytaıdaǵy elshisi Nurlan Ermekbaev «Elbasy joly» kınoepopeıasynyń ekinshi bólimi bolyp tabylatyn «Otty ózen» fılmi jas urpaq úshin eńbekti qadirleýdiń, Otandy súıýdiń úlgisi ekenin, olardy ultaralyq kelisim ıdeıalaryna tárbıeleıtinin atap ótti. Sharanyń ashylýynda sóz sóılegen QHR Syrtqy ister mınıstriniń orynbasary Chen Gopın «uly ulttan uly basshylar týatynyn», sondaı-aq, N.Nazarbaev Qazaqstannyń ulttyq basshysy ǵana emes, álemdegi eń bedeldi saıasatkerlerdiń biri bolyp tabylatynyn atap kórsetti. Ol, sondaı-aq, Azııadaǵy óz­ara is-qımyl jáne senim shara­la­ry jónindegi keńes, Álem­dik jáne dástúrli dinder kóshbas­shy­larynyń sezi sııaqty aıtýly forýmdarǵa N.Na­­zarbaev bas­ta­mashylyq ta­nyt­qanyn, onyń aktı­vinde ja­han­dyq ıadrolyq qarý­syzdaný sekildi úlken bastama da bar ekenin atap ótti. Qytaılyq dıplomattyń aıtýynsha, osynyń barlyǵy Qa­zaqstanǵa keń kólemdi álemdik tanymaldyq ákeldi. Chen Gopın, sonymen qatar, atalǵan kórkem fılm Qazaqstan Prezıdentiniń tulǵa bolyp qa­lyptasýynyń jolymen, qazaq halqynyń tarıhy jáne ulttyq dástúrlerimen tereńirek tanys bolýǵa múmkindik beretinin aıtty. Fılm kórsetiliminde Reseı mádenı ortalyǵynyń dırektory V.Konnov ta sóz sóıledi. Ol «Otty ózen» fılmin Ortalyqtyń qabyrǵasynda kórsetý TMD ke­ńistigindegi mádenı-gýmanıtarlyq baılanystar men dostyqty ny­ǵaı­týǵa múmkindik beretinin kóldeneń tartty. «Egemen-aqparat».