Koronavırýs • 20 Qańtar, 2022

«Omıkron» órship barady

1080 ret kórsetildi

Kúnnen-kúnge beleń alyp kele jatqan «Omıkron» shtamy epıde­mııa­lyq ahýaldy odan saıyn ýshyq­tyryp jiberdi. О́tken táý­likte koronavırýs ınfeksııasyn juqtyrǵan 13 874 jaǵdaı tirkeldi. In­dettiń órshýi elimizdiń barlyq tu­synda baıqalyp, búginde 16 óńir­imiz «qyzyl aımaqta» tur.

Elimizde keıingi aıda indetke shaldyǵý 19,6 ese ósipti. Bul rette reprodýktıvti san 2,1 ese, Covid-19-ǵa testileýdiń táýliktik kólemi 3,5 ese artyp, 50 myń testke jetti.

Jaǵdaıdyń bulaı kúrt nasharlaýyna koronavırýstyń «Omıkron» nusqasynyń tez taralýy yqpal etip otyr.

Densaýlyq saqtaý mınıstri Ajar Ǵınııat «Omıkron» shtamymen aýyrý jeńil jáne ortasha aýyrlyqta júretinin jáne shamamen 2 kúndik qysqa ınkýbasııalyq kezeńmen sıpattalatynyn, sondyqtan kóptegen pasıent úıde emdeletinin habarlady.

«Aýrýdyń alǵashqy belgileri – tumaý kórinisiniń paıda bolýy, ıaǵnı tumaý men jedel respıratorlyq aýrýlardaǵydaı qyzba, álsizdik, bas aýrýy jáne jóteldiń baıqalýy. Aýrý­hanaǵa jatqyzylǵan naýqastardyń úles salmaǵy indet anyq­talǵan jaǵdaılardyń 19,5%-yn quraıdy. Stasıonarǵa aýrý­dyń ortasha jáne aýyr dáreje­sindegi pasıent­ter túsedi. Olar­dyń ishinde úsh kúnnen asa tempe­ratýranyń joǵarylaýy, entigý, ıntok­sıkasııanyń aıqyn belgi­leri bar, sondaı-aq qaýip tobyna jatatyn naýqastar baıqalady. Bul rette aýyr jáne óte aýyr naýqas­tardyń úlesi aýrýhanaǵa jat­qy­zylǵandardyń 5%-yn qu­raıdy, olar jansaqtaý bólim­shesinde ja­tyr», dedi vedomstvo basshysy.

Ambýlatorııalyq naýqastar sanynyń kóbeıýin eskere otyryp, Densaýlyq saq­taý mınıs­trligi óńirlerdiń jergilikti atqa­rýshy organ­darymen birlesip, ýaqtyly medı­sınalyq kómekti nyǵaıtý jáne uıym­dastyrý bo­ıynsha sharalar qabyldaıdy. Osy­laısha, 3 054 mobıldi brıgada, rezervte 1 622 brıgada jumys isteıdi. Indet juq­tyrǵan naýqastardy ambýlatorııalyq emdeýge ýchaskelik medısına qyzmetkerleri qarastyrylǵan. Shuǵyl medısınalyq kómekti
1 486 jedel medısınalyq járdem brıgadasy kórsetedi, rezervte 150 brıgada bar.

Sonymen qatar A.Ǵınııat el aýqymynda lokdaýn engizý josparlanbaǵanyn, qoldanyp otyrǵan shekteý sharalary den­saýlyq saqtaý júıesine túsetin júktemeni jeńildetýge, ko­­ro­na­vırýs ınfeksııasynan bolatyn ólim-jitimdi azaıtýǵa baǵyt­tal­ǵanyn, bul rette shu­ǵyl kómek ha­lyqqa qoljetimdi ekenin atap ótti.

О́ńirlerdiń ishinde elordada indet tym qatty ýshyǵyp tur. О́tken táýlikte bir qalanyń ózinen 4 874 koronavırýs juqtyrý jaǵdaıy tirkeldi. Bul – basqa óńirlermen salystyrǵanda 10 eseden asa kórsetkish. Sondyqtan da astanada 12 qańtardan bas­tap qalanyń bas sanıtarlyq dárigeriniń shekteý jáne karantın sharalaryn qatańdatý týraly qaýlysy qabyldandy. Ashyq jobasyna qatysatyn obektilerde 30 adamǵa deıin eske alý sharalaryn qospaǵanda, buqaralyq, otbasylyq is-sharalardy ashyq aýada da, úı ishinde de ótkizýge tyıym salynady. Ashyq jobasyna qatysqanyna qaramastan, konsert zaldarynyń, fılar­mo­nııalardyń, teatrlardyń, sırkterdiń, kınoteatrlardyń, túngi klýbtar men karaoke barlarynyń qyzmeti shekteldi. Juma namazy jáne dinı rásimder sııaqty ujymdyq is-sharalarǵa tyıym salynady. Sonymen qatar konferensııalar, semınarlar, kórmeler, forýmdar ótkizýge bolmaıdy.

Sonymen qatar elordanyń aýdandyq ákimdikteri tusynda 12 monıtorıngtik top jumys istep jatyr. Olardyń qyzmeti shekteý jáne karantın sharalaryn buzýǵa jol bermeýge baǵyttalǵan. Bıyl kásipkerlik obektilerinde ka­rantın sharalaryn buzý bo­ıynsha faktiler tirkelip jatyr. Osy oraıda qalada tótenshe jaǵ­daı rejiminiń toqtaýy karantın rejiminiń aıaq­talýyn bildirmeıtinin aıta ketken jón.

p

Sońǵy jańalyqtar

Uqsas jańalyqtar