Qazaqstan • 20 Qańtar, 2022

Birtanovtyń isi boıynsha aldyn ala tyńdaý kúni belgilendi

142 ret kórsetildi

Sotta burynǵy Densaýlyq saqtaý mınıstri Eljan Birtanovqa qatysty is boıynsha aldyn ala tyńdaý kúni belgilendi, dep habarlaıdy Egemen.kz.

«Aldyn ala tyńdaý 26 qańtarǵa belgilengen», dep habarlady qalalyq sottyń baspasóz qyzmeti.

Tyńdaý ashyq rejımde ótkiziledi. Eks-mınıstrge qatysty qylmystyq is Nur-sultan qalasynyń №2 Saryarqa aýdandyq sotynyń óndirisine kelip tústi.

Eske sala ketsek, Birtanovtyń ustalǵany 2020 jyldyń qarasha aıynda belgili boldy. 7 shildede sotqa deıingi tergep-tekserýdiń aıaqtalǵany jáne qylmystyq is materıaldarymen tanysýdyń bastalǵany týraly jarııalandy.

E. Birtanov pen onyń orynbasary O. Ábishev Densaýlyq saqtaý mınıstrliginiń Aqparattandyrý platformasyn qabyldaý jáne paıdalanýǵa berý arqyly laýazymdyq ókilettikterin asyra paıdalandy dep kúdiktelýde.

Platforma Densaýlyq saqtaý júıesindegi máselelerdi jedel sheshý úshin pasıentter, dári-dármekter jáne medısınalyq buıymdar týraly barlyq aqparatty biriktirýi kerek edi. Búgingi tańda platforma jumys istemeıdi. Oryndalmaǵan jumystardyń quny 4,1 mln AQSh dollaryn nemese 1,5 mlrd teńgeni quraıdy.

Sońǵy jańalyqtar

Uqsas jańalyqtar