Aımaqtar • 20 Qańtar, 2022

Almatyda Abaı dańǵylynan joǵary salynatyn ǵımarattardyń qabat sany shekteledi

435 ret kórsetildi

Almatyda Abaı dańǵylynan joǵary salynatyn jańa ǵımarattardyń qabat sany shekteledi. Qala ákimi Baqytjan Saǵyntaev osyndaı tapsyrma berdi, dep habarlaıdy Egemen.kz.

Almaty ákiminiń aıtýynsha, byltyr qurylys erejeleri qabyldanyp, tarıhı ortalyqty saqtaý máselesi talqylanǵan.

Sondaı-aq, sheneýnikter osy aýmaqta salynýy múmkin qurylystyń tyǵyzdyǵy men qabat sanyn belgilegen bolatyn.

«Qurylys júrgizetin merdiger kompanııalarǵa mektep, balabaqsha, basqa da ınfraqurylymdy qamtamasyz etý jónindegi mindettemelerin daıyndadyq. Degenmen qoǵamda jańa jáne eski turǵyn úı keshenderiniń qurylysyna qatysty áli de talqylanatyn máseleler bar», deıdi Almaty ákimi.

Osyǵan baılanysty Baqytjan Saǵyntaev qaýly shyǵardy:

- menshik ıeleri 100 paıyz (jeke ınvestor tartý qajet úılerdi qospaǵanda) eski turǵyn úılerdi qaıta jańǵyrtý baǵdarlamasyn odan ári iske asyrý tek bıýdjet qarajaty esebinen júzege asyrylady;

- Abaıdan joǵary ál-Farabı dańǵyly men Jandosov kóshesine deıingi, Shyǵys aınalma jolynan Saın kóshesine deıingi aýmaqta turǵyn úı ǵımarattarynyń bıiktigi shektelsin;

- tabıǵı betkeılerine zııan keltiretin TK salýǵa tyıym salý. Sonymen qatar, qalalyq josparlaý jáne ýrbanıstıka basqarmasy qazir Abaı dańǵylynan joǵary salynatyn ǵımarattardyń bıiktigin shekteý jobasy ázirlenip jatqanyn málim etti.

«Shyǵys aınalma avtomobıl jolynyń ońtústigi, ál-Farabı dańǵyly, Saın dańǵyly, Jandosov kóshesi (Saın dańǵylynan qala shekarasyna deıin). Atalǵan aýdandaǵy ǵımarattardyń bıiktigi úsh qabattan aspaýy kerek jáne densaýlyq saqtaý, bilim, týrızm jáne mádenıet salasyndaǵy halyqaralyq deńgeıdegi áleýmettik mańyzy bar nysandardyń qurylysyn qospaǵanda barlyq tıptegi ǵımarattardyń bıiktigi jerden shatyrdyń ushar basyn qosa eseptegende maksımaldy bıiktigi 12 metrden aspaýy tıis», dedi vedomstvo ókili.



 

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar