Erler arasyndaǵy elimizdiń birinshi raketkasy, álemdik reıtıngte 35-orynda turǵan Aleksandr Býblık Gael Monfıspen kúsh synasty. 35 jastaǵy fransııalyq oıynshy kezinde Rolan Garros pen AQSh-tyń ashyq birinshiliginiń jartylaı fınalynda oınaǵan. ATR jarystarynda alty ret bas júldeni oljalady. Qazirgi kezde ol úzdikter tiziminde 19-orynda tur. Bul básekede Monfıstiń ústemdigi esh kúmán týǵyzǵan joq – 6:1, 6:0, 6:4.
Elena Rybakına da óz jankúıerlerin qýanta almady. Álemniń 12-raketkasy ekinshi aınalymda WTA reıtınginde 76-orynda turǵan Chjan Shýaımen sheberlik baıqasyp, alǵashqy sette qytaılyq qyz jeńiske jetse, ekinshi set bastalǵan bette Rybakına jaraqatyna baılanysty básekeni jalǵastyrýdan bas tartty.
