Dańqty sportshy Habıb Nýrmagomedovtiń menshigindegi lıgada Arman Ospanov ta óner kórsetedi. Qazaqtyń qaısar uly Fransııanyń ókili Dılan Salvadormen saıysqa túsedi. 28 jastaǵy Lıon qalasynyń týmasy kezinde kıkbokstan kóptegen belesterdi baǵyndyryp, eki dúrkin álem chempıony atandy. Mýaı-taı men djıý-djıtsýdy da jaqsy meńgergen. 2019 jyldan beri aralas jekpe-jekte baq synap júr. Sol aralyqta bes kezdesý ótkizip, tórteýinde jeńiske jetti. Al 32 jastaǵy Arman jaýyngerlik sambodan álemniń úsh dúrkin chempıony. Aralas jekpe-jekpen aınalysqanyna 10 jylǵa jýyqtady. Barlyǵy 15 ret aıqas alańyna shyqqan Ospanov 11 kezdesýdi óz paıdasyna sheshti.
Maıamıdegi jarystaǵy basty jekpe-jeginde sýrınamdyq Taıron Spong pen reseılik Sergeı Harıtonov kúsh synasady.
