Bul shara Úkimet bekitken 2022 jylǵy qańtardaǵy jekelegen óńirlerdegi tártipsizdikter saldarynan shaǵyn jáne orta kásipkerlik sýbektilerine keltirilgen múliktik zalaldy óteý mehanızmine sáıkes iske asyrylady.
Eske salsaq, zalaldy óteý týraly ótinish ESQ kómegimen https://infokazakhstan.kz saıty arqyly beriledi. Mehanızmge sáıkes zalaldy óteý týraly ótinishterdi óńirlik komıssııalar kúntizbelik 5 kún ishinde qaraıdy. О́tinish maquldanǵan jaǵdaıda usynylǵan málimetter men qujattar negizinde óńirlik komıssııa aıqyndaıtyn mólsherde qarajat bólý týraly sheshim shyǵarylady.
Qarjy Qazaqstan Respýblıkasynyń bıýdjettik rásimderine sáıkes múlik ıesiniń ótinishinde kórsetilgen aǵymdaǵy nemese jınaq shotyna tıisti sheshim qabyldanǵan kúnnen bastap bir aı ishinde ótinish berýshige aýdarylady dep boljanady.
«Zardap shekken kásipkerlerdiń nazaryna!
Zalaldy óteýge ótinish berer aldynda https://infokazakhstan.kz/faq/documents/ silteme boıynsha nusqaýlyqpen tanysýyńyzdy suraımyz, sondaı-aq qajetti qujattardyń tolyqtyǵyna kóz jetkizý kerek. Qujattar toptamasy tolyq usynylmaǵan jaǵdaıda óńirlik komıssııa múliktik zalaldy óteýden bas tartý týraly sheshim shyǵarady.
Kásipkerlerge yńǵaıly bolý úshin «Atameken» UKP zalaldy óteý boıynsha is-qımyl algorıtmin daıyndady. Onda zalaldy óteýge ótinish berý qadamdary sıpattalǵan», delingen «Atameken» UKP habarlamasynda.
