Ermurat Bapı osy baǵytta biz úshin eń mańyzdy bastama retinde jalpyhalyqtyq referendýmǵa usynylǵan jańa Konstıtýsııanyń jobasy ekenin atap ótti. Sondaı-aq ol qoǵam kópten kútken naqty saıası ózgerister bastamasynyń mańyzyn túısinbeı, qııampurys qylyq tanytyp júrgen jekelegen azamattar bar ekenin synǵa aldy.
«Osy rette birden suraıyn, jańa Konstıtýsııanyń jobasyn ońdy-soldy, tıse terekke, tımese butaqqa dep synaýshylar eski júıeniń «dıirmenine sý quıyp» júrgenderin bile me eken? Jalpy, eldiń ishi men syrtyndaǵy naqty realızm men konstrýktıvızmnen jurdaı synshylyq búgingi jaǵdaıda tap-taza popýlızmniń úlgisi bolmaq. Iá, Ata zańnyń jobasyndaǵy jekelegen baptarda syrtqy táýekelderdi óz qolymyzben týdyrmas úshin, sabyrǵa des berýdiń saqtyq qajettiligi jasalǵanyn jasyrýǵa bolmaıdy. Bul – jahandyq turaqsyzdyq kúsheıgen kezeńde memlekettiń ishki birligin, basqarý tıimdiligin jáne qaýipsizdigin qamtamasyz etýge baǵyttalǵan saqtyq sharasy», dedi depýtat.
Qaraǵandy oblysynda jańa Konstıtýsııa jobasy Braıl qarpimen basylyp shyqty
Májilismen qoǵamda «Jańa Konstıtýsııa sýperprezıdenttik júıeni qaıtadan qalpyna keltiredi» degen qańqý sózderdiń taraýy jańsaq pikir ekenin de jetkizdi.
«Biz bul jańa Konstıtýsııany qabyldaǵan soń, «eski Qazaqstanmen» tolyq qosh aıtysamyz! 2022 jylǵy Konstıtýsııalyq reformalar kezinde biz sýperprezıdenttik modelden bas tartyp, bir ret saılanatyn jeti jyldyq klassıkalyq prezıdenttik júıege kóshtik. Memlekettik saıası qyzmettegi týystyq yqpal men múddeler qaqtyǵysy konstıtýsııalyq negizde joıyldy. Sondyqtan eski júıeniń etjaqyn «ókili bılikke qaıtyp keledi» degen qaýesettiń eshqandaı negizi joq», dedi ol.
Máýlen Áshimbaev: Konstıtýsııalyq reformanyń basym mindeti – azamattardyń ál-aýqatyn arttyrý
Ermurat Bapı 15 naýryzda ótetin referendýmda Ata zańdy qoldaý nemese oǵan qarsy daýys berý qaqysy árkimniń azamattyq erik-jigerine baılanysty sheshim bolǵanmen, azamattarǵa álemdegi saıası ahýaldy qaperge alýdy da eske saldy.
«Jer-dúnıe soǵys dúmpýimen teńselip turǵan kezde, bizge bitispes teke-tires qajet pe, joq álde eldiń erteńi men táýelsizdiktiń turaqtylyǵyna jandármen azamattyq jaýapkershilik artyq pa? Biz eldik jáne terrıtorııalyq tutastyqqa tántimiz be, álde bizdi ishten iritýge áýes áldekimderdiń áýpiline jeligip, toz-toz bop júre bereıik pe? Osy suraqtardyń sulbasy turǵysynan aıtar bolsam, men 15 naýryzda barshańyzdy referendýmǵa qatysýǵa shaqyramyn», dedi Ermurat Bapı.
Bıbigúl Jeksenbaı: Jańa Konstıtýsııa – Ulttyq quryltaıda bastalǵan reformalardyń logıkalyq jalǵasy
