Foto: Aqorda
Búginde «Qazaqtelekom» 1,75 mıllıonnan astam úı sharýashylyǵyna qyzmet kórsetedi. Kompanııa el aýmaǵynda talshyqty-optıkalyq jelini júıeli túrde keńeıtip, telekommýnıkasııa naryǵynyń negizgi segmentterinde kóshbasshylyq ornyn saqtap otyr.
Eldi mekenderdi baılanyspen qamtý boıynsha aýqymdy jumys jalǵasyp jatyr. 2027 jyldyń sońyna deıin 1 mıllıonnan astam turǵyny bar 3 myńnan asa aýyldy sapaly baılanys qyzmetimen qamtamasyz etý josparlanǵan.
Memleket basshysyna «Kaspıı TOBJ» halyqaralyq jobasynyń júzege asyrylýy týraly aqparat berildi. Atalǵan joba Aqtaý – Sýmgaıt baǵytynda sýasty talshyqty-optıkalyq baılanys jelisin salýdy kózdeıdi. Bul bastama Qazaqstannyń tranzıttik áleýetin arttyryp, Eýropa men Azııa arasynda sıfrlyq dáliz qalyptastyrmaq.
Memleket basshysy energetıka mınıstri Erlan Aqkenjenovti qabyldady
Kezdesý barysynda derekterdi óńdeý ınfraqurylymyn damytý máselesine erekshe nazar aýdaryldy. Ekibastuz qalasynda «Derekterdi óńdeý ortalyǵy alqaby» strategııalyq jobasy aıasynda qýaty kezeń-kezeńimen ulǵaıtylatyn zamanaýı ortalyq qurylýda. Bul joba halyqaralyq tehnologııalyq kompanııalardy tartýǵa jáne eldiń ınvestısııalyq tartymdylyǵyn arttyrýǵa jol ashady.
Baǵdat Mýsınniń aıtýynsha, jasandy ıntellekt tehnologııalaryn engizýge basymdyq beriledi. Korporatıvtik prosesterdi avtomattandyrýǵa arnalǵan JI-agentterdi ázirleý, kıberqaýipsizdik sheshimderin jetildirý jáne memlekettik sektordy sıfrlandyrý boıynsha birqatar joba qolǵa alyndy.
Qasym-Jomart Toqaev shaǵyn qalalar men aýyldardy sapaly baılanyspen jáne ınternetpen qamtýdyń mańyzyna nazar aýdardy. Prezıdent sıfrlandyrý men jasandy ıntellektini damytý salalarynda ınvestısııalyq jobalardy ýaqtyly júzege asyrýdy tapsyrdy.
Memleket basshysy Azııa damý banki prezıdenti Masato Kandany qabyldady
