Saýalnama 2026 jylǵy 12-20 aqpan aralyǵynda Mádenıet jáne aqparat mınıstrliginiń tapsyrysymen ótkizildi. Zertteý 18 jastan asqan Qazaqstan halqyn qamtıtyn ulttyq irikteme negizinde júrgizildi. Irikteme kólemi – 1 200 respondent. Telefon arqyly júrgizilgen saýalnama 17 oblys pen respýblıkalyq mańyzy bar úsh qalany – Astana, Almaty jáne Shymkent qamtydy. Baılanys stasıonarlyq jáne uıaly telefon nómirleri arqyly júzege asyryldy.
Qaraǵandy oblysynda jańa Konstıtýsııa jobasy Braıl qarpimen basylyp shyqty
El azamattary referendým týraly qanshalyqty habardar?
Zertteý nátıjesi boıynsha, Qazaqstan azamattarynyń 81,8%-y elde jańa Konstıtýsııa jobasy boıynsha referendým ótetini týraly biledi. Onyń ishinde:
-
33,7%-y referendým jóninde jaqsy habardar;
-
48,1%-y bul týraly estigenimen, naqty málimetterdi tolyq bilmeıdi.
-
Respondentterdiń 17,1%-y referendým jaıly múlde estimegen.
О́ńirler boıynsha habardarlyq deńgeıi eń joǵary kórsetkishti Jambyl oblysy (89,7%), Shyǵys Qazaqstan oblysy (87,8%), Qyzylorda oblysy (89,1%), Batys Qazaqstan oblysy (88,1%) jáne Almaty (87,6%) kórsetti.
Jastar arasynda referendým týraly tolyq aqparat biletinder úlesi 44,8%-dy qurasa, egde jastaǵy azamattardyń 51,7%-y bul týraly jalpy habardar ekenin aıtqan. Sonymen qatar bilim deńgeıi artqan saıyn aqparattandyrý kórsetkishi de joǵarylaıtyny baıqalǵan. Máselen, joǵary bilimdi respondentterdiń 86,7%-y referendým týraly bilse, orta arnaıy nemese kásiptik bilimi bar azamattar arasynda bul kórsetkish 74,3%-dy quraǵan.
Aqparat kózderi retinde saýalnamaǵa qatysqandardyń 76,9%-y áleýmettik jelilerdi (TikTok, Telegram, Instagram, Facebook, VKontakte jáne t.b.) ataǵan. 33,3%-y jańalyqtardy ınternet-saıttardan alatynyn aıtsa, 20,5%-y teledıdardy negizgi aqparat kózi retinde kórsetken.
Elektoraldyq belsendilik joǵary
«Siz Jańa Konstıtýsııa jobasy boıynsha referendýmǵa qatysasyz ba?» degen suraqqa qatysýshylardyń 72,8%-y «ıá» dep jaýap berip, muny azamattyq mindeti sanaıtynyn jetkizgen.
-
17,9%-y áli naqty sheshim qabyldamaǵan;
-
9,3%-y referendýmǵa qatysýdy josparlamaıdy.
Referendýmǵa qatysýǵa daıyndyq deńgeıi Túrkistan oblysy (82,7%), Batys Qazaqstan oblysy (78,6%), Qaraǵandy oblysy (78,1%), Qyzylorda oblysy (76,1%), Jambyl oblysy (75%) jáne Soltústik Qazaqstan oblysy (75%) óńirlerinde joǵary ekeni anyqtalǵan.
Jas ereksheligine kelsek, eń joǵary qatysý nıetin jastar (82,2%) jáne 29–45 jas aralyǵyndaǵy azamattar (76,3%) bildirgen. Sondaı-aq joǵary bilimdi (74,4%) jáne jalpy orta bilimdi (75%) respondentter de belsendilik tanytqan.
Koalısııa músheleri Atyraý oblysynyń stýdentterimen jańa Konstıtýsııa jobasyn talqylady
Jobany qoldaý deńgeıi
Saýalnama qorytyndysy boıynsha,el azamattarynyń 89,2%-y Jańa Konstıtýsııa jobasyn qoldaıdy. Onyń ishinde:
-
52,8%-y jobany tolyq qoldaıdy;
-
36,4%-y qoldaýǵa beıim.
Al 10,8%-y ártúrli sebepterge baılanysty jobany qoldamaıtynyn nemese naqty sheshim qabyldamaǵanyn aıtqan.
Zertteý Ortalyq saılaý komıssııasy jarııalaǵan resmı habarlamaǵa sáıkes uıymdastyrylǵan.
