Prezıdent reformalar jónindegi joǵary ekonomıkalyq keńes otyrystarynyń birinde Qazaqstanda olıgopolııa bar ekenin aıtqanyn eske aldy.
«Men dál osy tezısti Parlamentte 11 qańtarda qaıtaladym. Munda qatysqandardyń bári olıgopolııanyń klassıkalyq anyqtamasyn biledi dep úmittenemin.
Olıgopolııa - bıznesti ártaraptandyrýǵa turaqty umtylys, biraq bul el ekonomıkasyn ártaraptandyrý úshin emes. Iаǵnı, sol adam nemese sol kompanııa óndiredi, óńdeıdi jáne banktermen jumys isteıdi jáne basqa da kóptegen bıznesterdi júzege asyrady, al qalǵandary tıgenin alady», dedi Toqaev.
Prezıdent bıznesti monopolııalaý durys emes ekenin aıtty.
«Adamdar bıznestiń barlyq túri nege bir adamdar qolynda dep oılaıdy. «Bizdiń qaı jerimiz kem?» degen suraq qoıady. Gegeldi Babelmen shatastyratyn, arnaıy bilimi joq adamdar bar, biraq olardyń qolynda úlken bıznes bar. Sondaı-aq arnaıy kýrstardy bitirgen bilimdi adamdar bıznes kózderine, nesıe resýrstaryna qol jetkize almaıdy. Bıznes damı beredi, bul depressııany, qoǵamǵa senbeýdi, osydan týyndaıtyn barlyq áleýmettik-ekonomıkalyq saldarmen ádildikke senbeýdi týdyrady», dedi Q.Toqaev.
