Almaty Dostastyqtyń 2014 jylǵy mádenı astanasy atandy

TMD elderi gýmanıtarlyq yntymaqtastyq memleketaralyq qorynyń qoldaýymen Almaty qalasy Dostastyqtyń 2014 jylǵy mádenı astanasy bolyp jarııalandy. Bul týraly  Zakon.kz  habarlady. Qordyń baspasóz qyzmetiniń habarlaýynsha, osyǵan arnalǵan «Almaty – Dostastyqtyń 2014 jylǵy mádenı astanasy» atty saltanatty rásim 19 naýryz kúni Abaı atyndaǵy memlekettik akademııalyq opera jáne balet teatrynda ótedi. Buǵan Dostastyq elderiniǵ delegasııalary, Gýmanıtarlyq yntymaqtastyq memleketaralyq qorynyń ókilderi, TMD atqarý komıtetiniń músheleri, mádenıet jáne óner qaıratkerleri keledi. Baǵdarlama Abaı atyndaǵy Qazaq memlekettik akademııalyq opera jáne balet teatry sımfonııalyq orkestriniń súıemeldeýimen óner kórsetetin TMD elderi opera solısteriniń gala-konsertimen ashylady. Dostastyq elderiniń 2014 jylǵy mádenı astanalary bolyp Almaty (Qazaqstan Respýblıkasy) jáne Osh (Qyrǵyz Respýblıkasy) jarııalandy. Murat Aıtqoja. Derekkóz: Zakon.kz. Foto: Zakon.kz.