Aımaqtar • 24 Qańtar, 2022

«Parasat» – halyq pen bılik arasyndaǵy únqatysý alańy

150 ret kórsetildi

Turǵyndary narazylyq bildirip ákimdiktiń aldyna jınalmaıtyn, urandatyp alańǵa barmaıtyn, sherýge shyqpaıtyn aýdan bar. Túrkistan óńirinde. Kez kelgen turǵynnyń kókeıde júrgen ózekti máseleni, belgili bir salanyń jumysyna baılanysty kemshilikti, turmys-tirshilikti jaqsartýǵa qatysty oı-pikirin ashyq aıtýyna múmkindik jasalǵan. Ákimi bastap, basqarma, bólim basshylary aýyldaǵylardyń aldyna kelip, jaǵdaı suraıdy.

«Egemen Qazaqstan» gazetiniń ótken jylǵy sáýir aıyndaǵy sanynda Túrkistan oblysy Saıram aýdanyndaǵy ıgi bastamany osylaı nasıhattappyz. Maqalamyzda «Parasat» pikirtalas klýbynyń alǵashqy otyrysynda aýdan ákimi Ulasbek Sádibekovtiń: «Eger osy aýdannyń tynys-tirshiligine beıjaı qaraı almasańyz, eger siz Saı­ram aýdanynyń janashyry bol­sańyz, shyndyqty shyjǵyryp betke aıtatyn bolsańyz, shyǵyńyz da oıyńyzdy ashyp aıtyńyz», degen sózin keltirgenbiz. Ákimniń ózi «aıtyńyzdar» dep otyrǵan soń, turǵyndar tartynbaı, ózekti degen máselelerdi ortaǵa salǵan. Memleket basshysy Qasym-Jomart Toqaevtyń Qazaqstan halqyna Jol­daýynda «Azamattardyń barlyq syndarly ótinish-tilegin jedel ári tıimdi qarastyratyn «Halyq únine qulaq asatyn memleket» tujy­rymdamasyn iske asyrý – bárimizge ortaq mindet» ekeni aıtylǵanyn, osy oraıda Saıram aýdanynda bı­lik pen qoǵam arasynda turaqty dıalog ornatýdyń ońtaıly joldary qarastyrylyp, júzege asyrylyp jatqanyn jetkizdik, el gazeti arqyly. Al kúni keshe oblys ákimi О́mirzaq Shókeev Saıram aýdanynyń tájirıbesin barlyq aýdan, qalada qoldaný qajettigin aıtty.

Aýdan ákimdigi men Nur Otan partııasy fılıaly janynan qurylǵan «Parasat» pikirtalas klýbynda jer­gilikti basshylar men halyq tu­­raqty túrde kezdesip, eń ózekti máse­lelerdi talqylaıdy. Ol máse­leler zań sheńberinde sheshimin taýyp keledi. Qarabulaq aýylynda aýdannyń zııaly qaýym ókilderimen jáne turǵyndarymen kezdesýde oblys ákimi saıramdyqtardyń usynystary men tilekterin tyńdady. El Prezıdenti Qasym-Jomart Toqaevtyń tapsyrmasymen batys jáne ońtústik oblystardy damytý jospary ázirlenetinin, bul bastama el áleýetin kóterýge oń serpin beretinin atap ótti. Sonymen birge tótenshe jaǵdaı kezinde birligi men tynyshtyǵyn saqtaǵan Túrkistan jurtshylyǵyna rızashylyǵyn bildirip, bunyń bári jergilikti ákim­dikter men qoǵam músheleriniń, halyqtyń arasyndaǵy baılanystyń jaqsy dárejede bolǵanynyń belgisi ekendigin jetkizdi. «О́ńir turǵyn­darynyń aýyzbirshiligi men tártip saqshylarynyń, ákimdikterdiń, qoǵam belsendileri men zııaly qaýym jáne erikti jastardyń birlese atqarǵan jumysy nátıjesinde oblysymyzda buzaqylyq oqıǵalary tirkelgen joq. Beıbit mıtıngter boldy, bárine jedel túsindirý jumysy júrgizilip, dıalog ornatyldy. Nátıjesinde, oblysymyzdan tótenshe jaǵdaı rejimi alynyp tastaldy. Kabınette otyra berseń, halyqpen kezdesip turmasań, qoǵamdaǵy keıbir máselelerdi bilmeı qalýyń múmkin. Sondyqtan pandemııa qoldy baılasa da, aýdan, qalalarǵa saparymda mindetti túrde ardagerlermen, zııaly qaýymmen kezdesemin. Kezdesýge kásipkerlerdi, jastardy, qoǵam belsendilerin, jalpy aıtary bar turǵyndardy da qosyp otyrmyz. Sóıleseıik, bir-birimizdi tyńdaıyq, eldiń máselesin birlese shesheıik degen oımen. Erkin pikir almasyp, suraqtaryńyzǵa jaýap berýge daıyn­myn», dedi oblys ákimi kezdesýde. Sondaı-aq saıramdyqtardyń ıgi isteri joǵary baǵalandy. Tur­ǵyndary tyǵyz ornalasqan aýdanda árkim óz tirligimen aınalysýda. «Parasat» pikirtalas klýby aýdandaǵy máselelerdiń oń sheshimin tabýyna yqpal etýde. «Klýbtyń kósh­peli otyrystary ár aýylda ótip, keleli máseleler talqylanady. Birazy sol mezette sheshilip jatady. Eń bastysy, bılik pen halyq arasyndaǵy dıalog alańy bar. Saıram aýdanynyń tájirıbesin barlyq aýdan, qalada qoldanýymyz kerek. Kásipkerlikti damytýda da úlgi tutar ister mol. Joǵaryda aıt­qanymdaı, bizde halyq pen bılik arasynda baılanys jaqsy. Biraq áli de tereńdete túsýimiz kerek. Ár ákim ózi basqaratyn aýmaqtyń prob­lemasyn, jaı-kúıin jaqsy biletin bolsa, óz jumysyn durys atqarsa, turǵyndarmen ashyq dıalog ornata alady. Memleket basshysy Qasym-Jomart Toqaev Úkimetke, ákimdikterge eldiń áleýetin kóterýge baǵyttalǵan tapsyrmalar berdi. Qym­batshylyqty toqtatyp, baǵany turaqtandyrý, jumyssyzdyqpen kúres, qoǵammen baılanysty nyǵaıtý jáne ózge de salalarda jaqsy be­t­burystar bolady jáne osy baǵytta jumysty kúsheıtemiz. Sizderdiń usynystaryńyz ben pikirlerińiz na­zarǵa alynady», dedi О́.Shókeev.

Kezdesýde zııaly qaýym, jastar, jergilikti turǵyndar qo­ǵamdaǵy túr­li máseleni kóterip, usy­nystaryn jetkizdi. Oblystyq ardagerler keńe­siniń tóraǵasy Jeńisbek Máýlen­qulov pen el aǵalary da keleli oılaryn ortaǵa saldy. Eldiń birliginen asqan qundylyq joq ekenin aıtyp, Prezıdenttiń bastamalaryn qol­daıtyndaryn jetkizdi.

 

Túrkistan oblysy

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar