Koronavırýs • 24 Qańtar, 2022

Koronavırýs qaıta kúsheıdi

Kópti alańdatqan koronavırýs indeti qaıta kúsheıdi. Qazirgi kezde indet juqtyrǵandardyń sany kúrt ósken. Máselen, osy ýaqytqa deıin Jambyl oblysy aýmaǵynda koronavırýs ınfeksııasynyń 23 275 jaǵdaıy tirkelip, 8 361 turǵyn pnevmonııaǵa shaldyqqan. Al óńirde ótken táýlikte 257 adam qaýipti indetti juqtyryp, 6 adam ókpe dertimen aýyrǵan.

Hamıt ESAMAN

Oblystyq densaýlyq saqtaý basqarmasynyń basshysy Áset Qalıev indetke tap bolǵandardyń ishinde 13 465 turǵyn Taraz qalasynan ekenin aıtty. Bul kúnde koronavırýs indeti oblys ortalyǵynda jıi tirkelýde. Sonymen qatar Baızaq aýdanynda – 1 647, Jambyl aýdanynda – 1 050, Jýaly aýdanynda – 572, Qordaı aýdanynda – 2 065, T.Rysqulov aýdanynda – 530, Merkide – 682, Moıynqumda – 332, Sarysýda – 359, Talas aýdanynda – 560 jáne Shý aýdanynda 1 781 jaǵdaı anyqtalǵan.

«Áskerge shaqyrylýshylar arasynan 125 jaǵdaı, basqa oblys turǵyndary arasynan 99 derek tirkeldi. Pnevmonııa týraly aıtsaq, Taraz qalasynda – 2 478 turǵyn, Baızaq aýdanynan –

1 141, Jambyl aýdanynan – 705, Jýalydan – 745, Qordaıdan – 300, T.Rysqulov aýdanynan – 433, Merki aýdanynan – 939, Moıynqum aýdanynan – 196, Sarysý aýdanynan – 558, Talas aýdanynan – 527 jáne Shý aýdanynan 328 adam aýyrǵan. О́ńirdegi ózge oblys turǵyndary arasynan 5 jaǵdaı tirkeldi. Qazirgi tańda ınfeksııalyq stasıonarlarda 373 naýqas em alýda. Al onyń ishinde 28 naýqas jansaqtaý bóliminde jatyr. Karantındik stasıonarǵa 87 azamat ornalasty. Sondaı-aq óńirdegi 10 zerthanada táýligine shamamen 2 600 – 2 800 PTR-zertteý jumystary júrgizilýde», deıdi Á.Qalıev.

Sonymen qatar búginde oblys boıynsha 23 alǵashqy medısınalyq-sanıtarlyq uıymdarynda 45 egý pýnkti bar. Onyń ishinde 16 pýnkt Taraz qalasynda jáne 29 pýnkt oblys aýdandarynda ornalasqan. Búginde aımaqta 66 myń 824 adam revaksınalaýdan ótken.

Qazirgi kezde óńirde indettiń aldyn alý maqsatynda jumys kúsheıtilgen. Oblys boıynsha sanıtarııalyq-epıdemıologııalyq baqylaý departamenti basshysynyń orynbasary Baǵlan Qydyrbaevtyń aıtýynsha, jańa shtamdardyń taralýyn boldyrmaý úshin ujymdyq ımmýnıtettiń qajetti deńgeıine jetý mańyzdy bolyp otyr. Sondaı-aq ol indetke qarsy vaksınalar aýyr jaǵdaılardy jáne aýrýhanaǵa jatqyzýdy azaıtatynyn aıtty.

«О́tken jylǵy aqpan aıynan bastap aımaqta birinshi komponentpen 18 jastan asqan 633 244 adam, ekinshi komponentpen 563 464 adam egildi. Al 22 qarashadan beri koronavırýsqa qarsy 48 815 adam qaıta vaksınalandy», deıdi ol.

Búgingi tańda Jambyl oblysy «qyzyl aımaqqa» engen. Bul rette óńirde turǵyndardyń qaýipsizdigin barynsha qamtamasyz etý jumystary uıymdastyrylýda. Oblystyq bilim basqarmasynyń basshysy Beıqut Jamangózov búginde oblys boıynsha 93 mekteptiń úshinshi toqsandy qashyqtan oqytýǵa jiberilgenin málimdedi. Jalpy, atalǵan 93 mektepte 122 905 oqýshy oqıtyn bolsa, onyń ishinde 84 252 oqýshy qashyqtan jáne 38 653 oqýshy shtattyq rejimde oqýlaryn jalǵastyrýda.

Jambyl oblysy

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz