«Qańtar aıyndaǵy oqıǵalar barysynda qylmyskerler qarý-jaraq dúkenderinen, quqyq qorǵaý jáne arnaıy organdardyń ǵımarattarynan atys qarýy men oq-dárilerdi urlady. Olar zańsyz maqsattarǵa paıdalanylyp, sondaı-aq azamattardyń ómiri men densaýlyǵyna zııan keltirýi múmkin. Qarý men oq-dárilerdi zańsyz saqtaǵany úshin qylmystyq jáne ákimshilik jaýapkershilik qarastyrylǵanyn atap ótý qajet», dedi ol.
Esterińizge sala keteıin, zańsyz saqtalǵan qarýdy, oq-dárilerdi jáne jarylǵysh zattardy óz erkimen tapsyrǵan adamdar, eger olardyń áreketterinde ózge qylmystar bolmasa, jaýapkershilikten bosatylady.
«Osyǵan baılanysty IIM azamattardy zańsyz saqtalǵan qarýdy, oq-dárilerdi, jarylǵysh zattardy jáne arnaıy quraldardy óz erkimen tapsyrýǵa shaqyrady. Jazataıym oqıǵalar men jaraqattanýdyń aldyn alý maqsatynda tabylǵan jarylǵysh materıaldarǵa jáne oq-dárilerge tıispeýge jáne olardy tasymaldaýǵa tyryspaýǵa, bul týraly polısııaǵa 102 nemese 112 telefondary boıynsha habarlaýdy suraımyz», dedi Nurdildá Oraz.
