«Budan basqa, Qarǵaly ózeninde jobalyq qýaty táýligine 15 myń m3 sý alatyn sý tartý qurylǵysynyń qurylysy júrip jatyr. Aqsaı ózenindegi jerústi kózi boıynsha jobalyq qýaty táýligine 22 myń m3 sý tartý qurylǵysyn salý josparlanýda. Bostandyq aýdanynda jobalyq qýaty táýligine 9 myń m3 sý jınaý nysany men sý daıyndaý stansııasynyń (Ermensaı) qurylysy jobalanýda. Saraptama qorytyndysyn alý 2022 jyldyń naýryz aıyna josparlanǵan», dedi Muhıt Ázirbaev.
Muhıt Ázirbaevtyń málimetinshe, bıyl 1 066 kóshe men 486 aýla aýmaǵynda syrtqy jaryq qurylysy aıaqtalady, jyl ishinde 24 kóshe jaryqtandyrylady. Bıyl Medeý, Alataý jáne Naýryzbaı aýdandarynda jalpy uzyndyǵy 147,2 km elektr jelilerin rekonstrýksııalaý aıaqtalady.
«Eki jańa qosalqy stansııanyń qurylysy boıynsha jumystar júrgizilýde», dep naqtylady ol.
Sondaı-aq Jetisý aýdanynda jalpy qýaty 50 MVt «Kırpıchnaıa» QS boıynsha konkýrstyq úrdister bastaldy. Ákimniń orynbasary atap ótkendeı, jylýmen úzdiksiz qamtamasyz etý jáne jylý energııasynyń tapshylyǵyn joıý úshin qazandyqtardyń qýatyn arttyrý jumystary júrip jatyr. 2019 jyly bastalǵan negizgi jáne qosalqy jabdyqty aýystyra otyryp, «Ońtústik aýdandyq qazandyqty» qaıta jańartý 55 Gkal/saǵ qýat ósimin qamtamasyz etedi, budan basqa, ótken jyly «Premera» qazandyǵyn keńeıtý boıynsha jumystar bastaldy, onyń qýaty 100 Gkal/saǵ.
