Densaýlyq saqtaý mınıstri Ajar Ǵınııat eldegi sanıtarlyq-epıdemıologııalyq ahýaldyń nasharlaǵany týraly baıandady. О́ńirlerde koronavırýs ınfeksııasy áli de órship tur. «Sary» aımaqta ornalasqan Túrkistan oblysynan basqa barlyq óńirler «qyzyl» aımaqta.
Vırýstyń eń kóp taralýy Aqmola, Qaraǵandy, Pavlodar oblystarynda jáne elordada tirkelip otyr.
Premer-Mınıstr eldegi sanıtarlyq-epıdemıologııalyq jaǵdaıdy ári qaraı baqylaýda ustaýdy tapsyrdy. Sonymen qatar Memleket basshysynyń alǵa qoıǵan mindetine sáıkes, karantındik shekteýlerdi bıznes úshin jeńildete otyryp, qaıta qaraý tapsyryldy.
«Bıznestiń órkendeýine bóget jasamaı, týyndaǵan problemalardy birlesip sheshýimiz kerek», dedi Á. Smaıylov.
Úkimet basshysy Densaýlyq saqtaý mınıstrligi men ákimdikterge vaksınalaý jáne revaksınalaý jumystaryn kúsheıtýdi tapsyrdy.
