Qoǵam • 25 Qańtar, 2022

«Qańtar oqıǵasy»: Qylmystardyń 70 paıyzyn urlyq isteri quraıdy

50 ret kórsetildi

Bul týraly QR IIM Tergeý departamentiniń bastyǵy Sanjar Ádilov QR Prezıdenti janyndaǵy OKQ-da ótken brıfıngte aıtty, dep jazady Egemen.kz.

«Qylmystardyń negizgi úlesin – 70% nemese 1 356 negizinen tártipsizdikterden týyndaǵan haos prosesinde Almaty qalasynyń saýda obektilerinen jasalǵan urlyq týraly ister quraıdy. 127 qylmystyq is atys qarýy men oq-dárilerdi zańsyz saqtaý faktileri boıynsha, taǵy 30 is olardy urlaý faktileri boıynsha tergelýde», dedi ol. 

Sanjar Ádilov málimetinshe, 63 qylmystyq is múlikti qasaqana búldirý jáne joıý, 12 – avtokólikti aıdap ketý, 24 – qaraqshylyq jáne tonaý, 23 – quqyq qorǵaý organdary qyzmetkerlerine kúsh qoldaný jáne olardyń ómirine qol suǵý faktileri boıynsha tirkelgen.

«Urlyq pen tonaý jasaǵany úshin 274 adam ýaqytsha ustaý abaqtysyna qamaldy. Ustalǵandardyń kinási urlanǵan taýarlar men qarý túrindegi alynǵan zattaı dáleldemelermen, sondaı-aq beınebaqylaý kameralarynyń jazbalarymen, áleýmettik jelilerdegi rolıktermen, kúdiktilerdiń ózderiniń uıaly telefondarynan tabylǵan derektermen dáleldenedi», dep tolyqtyrdy Sanjar Ádilov. 

Sońǵy jańalyqtar

Uqsas jańalyqtar