boxingnews24.com portalynda jarııalanǵan maqalada avtor «Kanelony» Andradeden qorqady dep málimdegen.
«Boks jankúıerleri Alvarestiń Demetrıýs Andrademen eshqashan jekpe-jekke shyqqysy kelmegenin biledi. Andrade bir emes, eki birdeı salmaqta álem chempıony atanǵany málim. Onyń ústine eki boksshy uzaq jyldar boıy bir salmaqta baq synady. Sol kezde de «Kanelo» onymen sharshy alańda betpe-bet kelýden qaımyqty.
«Kanelo» nelikten Andrademen kezdeskisi kelmeıdi? О́ıtkeni AQSh boksshysy ol úshin óte qaýipti qarsylas ekeni belgili. Stıl jaǵynan da meksıkalyq boksshy úshin yńǵaısyz. Tipti kóptegen jankúıerler ábjil qımyldarymen qarsylastaryn ábigerge salatyn solaqaı Andrade «Kanelony» jeńe alatynyn, onyń sheberligi, qarsylasty seziný qabileti joǵary ekenin biledi. Tipti rıngte Alvaresti aqymaq qylyp kórsete alatynyn da sezedi.
Andrade sekildi myqty qarsylasy bola tura, Alvares ózi anyq jeńetin Bıllı Djo Sonders, Kaleb Plant sekildi bylǵary qolǵap sheberlerimen qolǵap túıistirip, ońaı aqsha tapty. О́ıtkeni ol Demetrıýske shamasy kelmeıtinin sezdi. Ol aldaǵy ýaqytta da Demetrıýs Andrademen kezdesýden qashqaqtaı beretin bolady. Áıtkenmen, jaqyn kúnderi AQSh boksshysy orta salmaqtaǵy WBO beldigin bos qaldyryp, ekinshi orta salmaqqa aýysýy yqtımal. Sol kezde ol uıymnan ózin Alvarestiń mindetti qarsylasy retinde belgileýdi suraýy tıis. Ondaı jaǵdaı týyndasa Alvares WBO beldigin bos qaldyryp, Andrademen kezdespeýdiń taǵy bir amalyn qarastyratyn shyǵar», delingen maqalada.
Alaıda avtor Andradeniń mindetti qarsylas Jánibek Álimhanulymen kezdeskisi kelmeıtini týraly lám-mım demegeni tań qaldyrdy.
