Álem • 26 Qańtar, 2022

Florıda jaǵalaýynda mıgranttar mingen qaıyq batyp ketti

72 ret kórsetildi

Florıda jaǵalaýynda 39 mıgrant mingen qaıyq batyp ketti. Olar Bagam araldarynan AQSh-qa kirýge tyrysqan. Ázirge apattan tiri qalǵan bir adam tabyldy, dep habarlaıdy Egemen.kz BBC agenttigine silteme jasap.

Mıgranttar júzgen qaıyq senbi kúni batyp ketti, al seısenbi kúni tańerteń Fort-Pırs qalasynan 72 shaqyrym jerde balyqshylar qaıyqtyń korpýsyn ustap turǵan adamdy baıqaǵan. Qutqarylǵan er adam qaıyq Bımını aralynan shyǵyp, daýylǵa túskenin aıtty. Onyń aıtýynsha, qaıyqta 39 adam boldy, olardyń barlyǵy qutqarý keýdeshelerinsiz qalǵan.

Bımını - Bagam araldarynyń eń batys aýdany jáne Maıamıden shamamen 130 km qashyqtyqta ornalasqan.

AQSh Jaǵalaý kúzeti qaıyqtyń ıeleri adam kontrabandasymen aınalysqan dep sanaıdy.

Oqıǵa ornyna qutqarý qaıyqtary men tikushaqtar jumylydyryldy, biraq áli kúnge deıin tiri qalǵan birde-bir adam tabylǵan joq. Izdeý aımaǵynyń eni - 217 km.

Bul Florıda sýlarynda zańsyz mıgranttardyń Kýba men Gaıtıden AQSh-qa kirýge tyrysqan birinshi jaǵdaıy emes ekeni anyqtaldy. Keıbireýler amerıkandyq jaǵalaýǵa jete alǵanymen, onda olardy Jaǵalaý kúzeti ustap alady.

О́tken jumada kúzet qyzmetkerleri Bagam araldarynan batysqa qaraı bet alǵan qaıyqta 88 gaıtııalyqty tapty.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar