Úkimet • 28 Qańtar, 2022

68 sot sarapshysynan turatyn rezerv quryldy

787 ret kórsetildi

Almaty qalasynda 33 sot sarapshysy qańtar aıyndaǵy oqıǵalar kezindegi tártipsizdikter men tonaý jaǵdaılaryn tergeý aıasynda jumys istep jatyr, dep habarlaıdy Egemen.kz QR Úkimetiniń baspasóz qyzmetine silteme jasap.

Saraptamany 19 jergilikti jáne basqa óńirlerden issaparǵa jiberilgen 14 maman júrgizýde. Osylaısha, sot sarapshylarynyń júktemesi qalypty sheginde, qaǵazbastylyqqa salyný jáne jumys merzimin keshiktirý jaǵdaılary joq.

Almaty qalasynda saraptamalar qurylys, taýartaný, órt tehnıkalyq, ballıstıkalyq jáne ekonomıkalyq baǵytta júrgizilýde.

Premer-Mınıstrdiń tapsyrmasy boıynsha jedel tergeý maqsatynda Ádilet mınıstrligi 68 sot sarapshysynan turatyn qosymsha rezerv quryldy. Olardyń basym kópshiligi ekonomıkalyq saraptamaǵa mamandanǵan.

2021 jylǵy 31 qańtardan bastap rezervtegi mamandardyń bir bóligi óńirlerge jiberiledi. Qalǵandary tıisti organdardyń sot saraptamasyn taǵaıyndaýyna qaraı jumysqa tartylmaq.

Atalǵan saraptamalyq jumystar Shymkent qalasy men Jambyl, Qyzylorda, Almaty, Aqtóbe, Shyǵys Qazaqstan oblystarynda da júrgizilip jatyr.

Sońǵy jańalyqtar

Uqsas jańalyqtar