Qoǵam • 28 Qańtar, 2022

Sot Birtanovtyń isin prokýrorǵa qaıtardy

454 ret kórsetildi

Elordadaǵy Saryarqa aýdanynyń №2 aýdandyq soty eks-mınıstr Eljan Birtanov pen onyń orynbasary bolǵan Oljas Ábishevke qatysty isti prokýrorǵa qaıtardy, dep jazady Egemen.kz.

Atalǵan istiń aldyn ala tyńdaý nátıjesi boıynsha qylmystyq is qylmystyq prosestik zańnamanyń buzýshylyqtaryn joıý úshin Bas prokýratýraǵa beriledi. 

Sot sotqa deıingi tergeý amaldaryn júrgizýshi organnyń is boıynsha basty sot talqylaýyn taǵaıyndaýǵa kedergi keltiretin zańdy buzýshylyqqa jol bergenin anyqtady.

«Qylmystyq prosestik kodekstiń 297 babynyń 7-bóligine sáıkes qylmystyq is sotqa prokýrormen shaǵymdy sheshkenge deıin jiberilmeýi tıis. Naqty jaǵdaıda tergeý ýaqytynda qorǵaýshylardyń shaǵymdary sheshilmegen», dep atap ótti aýdandyq sottyń sýdıasy Ibragım Álkenov. 

E.A.Birtanov pen onyń qorǵaýshylarynyń qylmystyq isti qysqartý boıynsha ótinishterin sot qanaǵattandyrmady. Sebebi mundaı ótinishter is sot óndirisine qabyldanǵannan keıin jáne basty sot talqylaýy barysynda ǵana qaralady.    

Sońǵy jańalyqtar

Uqsas jańalyqtar