Demokratııalyq dástúrleri men tájirıbesi áli pisip-jetilmegen orta úshin bálkim jalǵyz da ońtaıly jol osy. Aınalyp kelgende popýlızmge salynyp, «bıtke – ókpelep, tondy otqa tastaı salý» ońaıdyń ońaıy. Al barymyzdy saqtaı otyryp, oryn alǵan qatelikterdi túzetý – jaýapty saıasattyń kórinisi. Atap aıtqanda, Memleket basshysy ótken jylǵy saılaýda partııa halyqtyń bildirgen senimin jetkilikti dárejede aqtaı almady, saldarynan áleýmettik-ekonomıkalyq ahýaldyń nasharlaýyna jol berdi dedi. Saılaýaldy baǵdarlamanyń iske asyrylýy kópshilik jaǵdaıda kóńil kónshitpeıdi. Munyń sońy qoǵamdaǵy narazylyqtyń kúsheıýine alyp keldi. Praımerızdi júrgizip partııanyń ishteı jańarǵany, ókinishke qaraı, eldegi qordalanǵan túıtkilderdi eńserýge áli jetpedi. Sondyqtan basty maqsat oryn alǵan kemshilikterdi shynaıylyqpen moıyndap, halyqtyń múddesin qorǵaý turǵysynda kadrlyq taǵaıyndaýlarmen qatar naqty tapsyrmalar berildi. Jańa Tóraǵanyń sóz ben istiń sabaqtastyǵyna erekshe mán beretinin eskersek, aldaǵy ýaqytta partııanyń jumysyna jan bitedi degen úmit zor.
Rasýl JUMALY,
saıasattanýshy
