Jer – halyqty asyraýshy

Kezekti halyqqa Joldaýynda Memleket basshysy Úkimetke Jer zańnamasyn jetildirýge qatysty birneshe tapsyrmalar bergeni belgili. Bul másele búginde ǵylymı ortada keńinen talqylanýda. Osyǵan oraı Qazaq ulttyq ag­rarlyq ýnıversıtetinde О́ńirlik damý mınıstr­liginiń birinshi vıse-mınıstri Qaıyrbek О́s­ken­baevtyń qatysýymen Jer qatynastary zań­namasyn jetildirý týraly arnaıy  májilis bolyp ótti. Basqosýdy QazUAÝ rektory, akademık Tilektes Espolov ashyp, mazmundy baıandama jasady. Rektor óz sózinde:  «Jer máselesiniń qashan da máni men mańyzy joǵary. Ol eshqashanda memleketimiz ben úkimetimizdiń kún tártibinen túsip kórgen emes. Onyń elimizdiń aldynda alyp otyrǵan kókeıkesti problemalary da az emes. Ony ońdy sheshý baǵytynda qolǵa alynyp jatqan ıgilikti is-sharalar da kezek kúttirmeıtin mindetterge aınaldy. Sonyń bári de jerge baılanysty zań sheńberindegi zańdylyqtarǵa sáıkes atqarylyp keledi. Qazaqstan ekonomıkasynyń eselep artýyna jerdiń berer paıdasy kóp. Sondyqtan áleýmettik jaǵynan halyqtyń talabyn qanaǵattandyrý úshin jerdi ıgerýge ǵylymı kózqaraspen qaraýymyz qajet», – dedi. Elbasy tapsyrmasyna oraı búginde О́ńirlik damý mınıstrligi turǵyn úı qurylysynyń, jer telimderiniń, jerdi paıdalaný men qorǵaýǵa memlekettik baqylaý mehanızmin qalyptastyrý men jetildirý jumystaryn júrgizýde. Qazirgi kezde zaman aǵymyna saı jerdi paıdalanyp ıgerýde, zańdyq tetikterdi jetildirý mańyzdy bolyp otyr. Mysaly jerdi alǵan kez kelgen menshik ıesi, meıli ol bank bolsyn nemese jeke tulǵa bolsyn, sol jerdi maqsatty túrde paıdalanýy qajet. О́kinishke qaraı keıbireýler olaı istemeı otyr. Sonda aýyl adamdary qaıda jumysqa barady? Aýyl turǵyny bul jer ýchaskesinde jumys isteı almaıdy, óıtkeni, ol jer basqaǵa tıesili, al jerdiń ıesi ony qajetine jaratpaı otyr. Sol sebepti osy másele áli de bolsa tıisti oryndarda jan-jaqty saralanýy qajet. Bul rette aýylsharýashylyǵy mamandarynyń óz aıtarlary bar. О́ıtkeni, jer tek agrarlyq salanyń ǵana aınalysatyn máselesi emes. Sondyqtan engiziletin ózgeristerdiń memleket úshin mańyzy zor. Osy oraıda О́ńirlik damý mınıstrliginiń Jer kodeksine engizilmek ózgeristerdi ǵalymdarmen keńese otyryp talqylaýy óte oryndy. Qazaq ejelden jer – halyqty asyraýshy deıdi. Sondyqtan da ár jer telimi onyń ıesine de memleketke de paıda ákelýi tıis. Jıyn barysynda О́ńirlik damý mınıstriniń birinshi vıse-mınıstri Q.О́skenbaev, R.Eleshev, S.Kenenbaev, A.Ombaev, A.Saparov syndy ǵylymı-zertteý ınstıtýttarynyń dırektorlary men A.Raý, M.Alekseeva, T.Jolamanov sekildi QazUAÝ ǵalymdary sóz sóılep, atalǵan máselege oraı usynys-pikirlerin ortaǵa saldy. Qanat Eskendir, «Egemen Qazaqstan».