«Arnaıy tergeý qorytyndysy boıynsha, komıssııa jazataıym oqıǵanyń sebepterin anyqtap, taraptardyń aralas jaýapkershiligin belgiledi. Zardap shekkenderge eńbek qaýipsizdigi jáne eńbekti qorǵaý qaǵıdalaryn, metall arqandy baılaý jáne tasymaldaý boıynsha, sondaı-aq taý-ken qazbalary boıynsha júkterdi baılaý jáne tasymaldaý shemalaryn óreskel buzýǵa jol berilgen. Jumys berýshi tarapynan jumys óndirisine tıisti baqylaý álsiz», delingen Qaraǵandy oblysynyń eńbek ınspeksııasy jónindegi basqarmasynyń baspasóz qyzmeti jarııalaǵan komıssııa qorytyndysynda.
Komıssııa quramyna memlekettik eńbek ınspektory, «Shahtınskaıa» shahtasynyń basshylyǵy, «Qorǵaý» kómirshiler kásipodaǵynyń ókilderi jáne Qaraǵandy oblysy boıynsha ónerkásiptik qaýipsizdik departamentiniń bas mamany kirgen. Arnaıy tergeý aıaqtalǵannan keıin materıaldardyń kóshirmesi aýmaqtyq polısııa organyna jiberildi, dep tolyqtyrdy vedomstvo ókilderi.
Qaraǵandy oblysy PD baspasóz qyzmeti taý-ken jumysshysynyń ólimi QR QK-niń 227-babynyń 2-bóligi «Taý-ken jumystaryn júrgizý kezinde abaısyzda adam ólimine ákep soqqan qaýipsizdik erejelerin buzý» boıynsha tergelip jatqanyn aıtty.
Sonymen qatar, polısııa «ArselorMıttal Temirtaý» bolat departamentiniń aglofabrıkasyndaǵy konveıerge túsip ketken 46 jastaǵy brıgadırdiń ólimine qatysty qylmystyq isti tergep jatyr. Oqıǵa QR QK-nyń 156-baby 3-bóligi «Abaısyzda adam ólimine ákep soqqan eńbekti qorǵaý qaǵıdalaryn buzý» boıynsha tirkelgen.
Aıta keteıik, 22 jeltoqsanda «ArselorMıttal Temirtaý» Kómir departamentiniń "Shahtınskaıa" shahtasynda 1975 jyly týǵan jumysshy metall synyqtaryn tıeý jumystary kezinde zardap shekken bolatyn. Ol medısınalyq mekemege jatqyzylyp, keıinnen qaza bolaǵan edi.
