Qoǵam • 04 Aqpan, 2022

Joldaǵy jaǵdaı: Zardap shekkenge qor kómektesedi

76 ret kórsetildi

Jolda kólikpen júrý – úlken táýekel. Jeńil-jel­pi jol-kólik oqıǵalary da bolmaı turmaıdy. On­daı kezde óz quqyǵyńdy bilý, sol quqyq aıasyn­da áreket etý asa mańyzdy. Osy rette Qarjy na­ry­ǵyn retteý jáne damytý agenttigi eger kináli aza­mat oqıǵa ornynan izin jasyrsa, saqtandyrý tó­le­min qalaı alýǵa bolady degen saýalǵa jaýap beredi.

Álbette, eger kináli tulǵa jol-kólik oqıǵasy úshin óziniń jaýapkershiligin biletin jáne moıyndaıtyn bolsa, onda saqtandyrý tólemin alý qıyndyq týdyra qoımaıdy. Tek barlyq resmı rásimderdi saqtaý kerek. О́kinishke qaraı, kináli jazadan qorqyp, oqıǵa ornynan ketip qalatyn jaǵdaılar da bar. Bul jaǵdaıda zardap shekken tarapqa ne isteý kerek?

Qazaqstanda 2003 jyldan bastap Saqtandyrý tólemderine kepildik berý qory jumys isteıtinin kópshilik biledi. Qordyń aksıonerleri – saqtandyrý uıymdary. Sondyqtan nysan kommersııalyq emes negizde jumys isteıdi. Qor saqtandyrý uıymdaryn taratý kezinde saqtanýshylarǵa kepildik beriletin saqtandyrý túrleri boıynsha, onyń ishinde mindetti avtosaqtandyrýǵa (KQI AQJMS) jatatyn saqtandyrý tólemderin júzege asyrý kepildigin qamtamasyz etedi. Biraq qordyń fýnksııalary munymen shektelmeıdi.

«Jol-kólik oqıǵasyna kináli adam belgisiz bolǵanda jáne oqıǵa ornynan qashyp ketken jaǵdaıda, qor jábirlenýshiniń ómiri men densaýlyǵyna keltirilgen zııandy óteý boıynsha tólemderdi júzege asyrady. Bul maqsat úshin saqtandyrý uıymdarynyń mindetti jarnasynyń esebi­nen arnaıy rezerv qalyptastyrylǵan. Qor zardap shek­ken adamnyń densaýlyǵyna aýyr zııan keltirilgen jaǵ­­daıda ǵana sol zardapty óteý úshin tólemderdi júze­ge asyrady. О́kinishke qaraı, mundaı jaǵdaılar jıi kez­de­sedi. Qordan mundaı tólemderdi alýǵa Qazaqstan azamat­tary­nyń, sondaı-aq sheteldikter men azamattyǵy joq adam­dar­dyń quqyǵy bar» delingen agenttiktiń málimdemesinde.

Bekitilgen talap boıynsha, eger jábirlenýshi qaıtys bolsa onda tólem mólsheri 1 000 AEK bolady, al densaýlyqqa aýyr zııan kelgen jaǵdaıda 500 AEK kóleminde saqtandyrý tólemi beriledi. Jábirlený­shi qaıtys bolǵan jaǵdaıda tólemdi alý quqyǵy zań bo­ıynsha qaıtys bolǵan adamnyń muragerlerine aýysady. Jábirlenýshini jerleý úshin jumsalǵan shyǵyndardy da qor jerleý rásimin júrgizgen adamǵa tóleýge mindetti. Onyń mólsheri – 100 AEK. Qorǵa mundaı tólemderdi alý boıynsha talapty saqtandyrý jaǵdaıy bastalǵan kúnnen bastap bir jyl ishinde qoıýǵa bolady.

Dál osy máseleler boıynsha tıisti aqparatty qordyń resmı saıtynan (ipgf.kz) bilýge bolady.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar