Sot úkimin oryndaý maqsatynda qamaýǵa alyndy

Esterińizde bolsa Serikjan Mámbe­ta­lın men Ermek Narymbaev 2015 jyldyń 12 qaza­nynda ustalǵan bolatyn. Olar­dyń ústinen is qoz­ǵaýǵa áleýmettik jelilerde ult­tyq ar-namysty jáne qadir-qa­sıetti, ulttyq ar-namysty qorlaý bel­gileri bar aqparatty taratýy túrtki bolǵan edi. Sol kezde pro­­kýror sanksııasy boıynsha olar­dyń turǵylyqty jerlerine tin­tý júrgizý barysynda zattaı dá­lel­de­meler alyndy.

Buǵan deıin de E.Narymbaev áleý­mett­ik jeliler arqyly óziniń Qazaq­stan­ǵa keletinin, biraq elge jetken bette-aq áýejaıda usta­la­ty­nyn málimdegen bolatyn.

Oppozısıonerdiń qamaýǵa alynýy jóninde pikir bildirgen belgili zańger, Ulttyq qoǵamdyq senim keńesiniń múshesi Marat Báshimov onymen jeke tanystyǵy joq­tyǵyn, oppozısıonerdiń syrt­­taı sottalǵany týraly aqpa­rat­ty ınternetten oqyp bilgenin jetkizdi.

«Úkim boıynsha oǵan turǵy­lyq­ty mekenjaıynan tysqary shyǵýǵa ty­ıym salynǵan eken. Al ol 2016 jyl­dyń shildesinde Qazaq­stannan qashyp shyqqan. Keıin appelıasııa úkimdi ózgertip, jalpy rejimdegi kolonııada úsh jyl bas bostandyǵynan aıyr­ǵan. Iаǵnı, taǵaıyndalǵan ja­za ótelmegen. Al bul aqparat sheka­ra­shy­lardyń bazasynda tur degen sóz. Osy sebepti de ony ustaǵan. Ári qaraı ne bolatynyn men bilmeımin. Mundaı jaǵdaıda prosessýaldyq normalardy jetik biletin, qylmystyq quqyq boıynsha mamandanǵan advokat kerek ekenin ǵana bilemin», dep jazdy Marat Báshimov áleýmettik jelidegi paraqshasynda.

Esterińizge sala keteıik, Ermek Narymbaev 2016 jyldyń shilde­sin­de Qazaq­stannan qashyp ketken. Sodan beri Ýkraınada turyp kelgen. Sol jyly ol Qazaqstandaǵy terrorızm men ekstremızmdi qar­jy­landyrýǵa qatysy bar uıy­m­dar men tulǵalardyń tizi­mi­ne enip, bul tizim elimizdegi Qar­jy mı­nıstrliginiń saıtynda jarııa­lan­ǵan bolatyn.