Taldyqorǵanda aýyr atletıkadan Qazaqstan chempıonaty ótedi

London Olımpıadasynyń chempıondary Ilıa Ilın, Maııa Maneza, Svetlana Podobedova men Zýlfııa Chınshanlo sáýir aıynyń 18-24 kúnderi Taldyqorǵan qalasynda ótetin Qazaqstan chempıonatyna qatysady dep kútilýde. Bul týraly Qazaqstan aýyr atletıka federasııasy habarlady. Bul dodany aýyr atletıkadan Qazaqstan quramasy Almatyda ótetin álem chempıonatyna daıyndyq retinde qarastyrýda.  Aýyr atletıka federasııasynyń habarlaýynsha, joǵaryda atalǵan sportshylarymyzdyń bári bir jyldyq úzilisten keıin byltyr jeltoqsan aıynda jattyǵýlaryna kirisken bolatyn.   Ilıa Ilın Olımpıadadan keıin ulttyq quramadan bólek jattyǵa bastaǵany belgili. Qazir de solaı shetelde jattyǵady. Al Maııa Maneza, Svetlana Podobedova men Zýlfııa Chınshanlo bolsa, burynǵysynsha ulttyq quramamen birge Almatyda oqý-jattyǵý jıyndaryn ótkizip júr. Taǵy bir aıtatyn nárse,  bıyl ziltemirshilerimiz birneshe halyqaralyq týrnırlerge qatysady. Olar  19 qyrkúıek pen 4 qazan aralyǵynda Koreıanyń Inchhon qalasynda ótetin Azııa oıyndaryna, 18-24 qarasha aralyǵynda 2016 jylǵy Rıo-de-Janeıro Olımpıadasyna lısenzııalyq upaı beretin álem chempıonatyna barady. Dastan Kenjalın. Derekkóz: confederation.kz Foto: www. Alaman.kz.