Parlament • 07 Aqpan, 2022

Senatorlar aldaǵy Palata otyrysynyń kún tártibin bekitti

204 ret

kórsetildi

1 mın

oqý úshin

Senat spıkeri Máýlen Áshimbaevtyń tóraǵalyǵymen Bıýro otyrysy ótti, onda 10 aqpanǵa josparlanǵan Palata otyrysynyń kún tártibi bekitildi, dep habarlaıdy Egemen.kz QR Parlamenti Senatynyń baspasóz qyzmetine silteme jasap.

Botakóz BAQBERGEN

Senatorlar aldaǵy Palata otyrysynyń kún tártibin bekitti

Senat otyrysynda Senat depýtaty Lázzat Qaltaevanyń ant berýi jáne ony Parlament Senatynyń turaqty komıtetiniń quramyna saılaý máselesi qaralady.

Sondaı-aq senatorlar «Qazaqstan Respýblıkasynyń Úkimeti men AQSh Úkimeti arasyndaǵy halyqaralyq salyq tártibin jetildirý týraly kelisimdi ratıfıkasııalaý týraly» zań jobasyn qaraıdy. Qujattyń maqsaty Qazaqstan Úkimeti men AQSh úkimetiniń avtomatty aqparat almasý úshin tıimdi ınfraqurylymdy paıdalana otyryp, salyq salý máselelerinde ózara járdem kórsetýi arqyly halyqaralyq salyq tártibin jetildirý bolyp tabylady.

Budan basqa, Bıýro otyrysynda Senattyń turaqty komıtetteri arasynda budan ári jumys júrgizý úshin májilis buryn maquldaǵan zań jobalary taratyldy.