Osydan tórt aı buryn Prezıdenttik klınıkaǵa tekserilýge kelgen Janat Kúzdenovany esh jeri aýyryp mazalamaǵan eken. Jaı ǵana tekserilmek bolǵan pasıentten qaserli isik tabylady. Bıopsııa jasaý úshin úlgi alynyp, onyń nátıjesinde qaterli isiktiń ósip jatqany belgili bolǵan.
Sonymen, dárigerdiń keńesimen pasıentke endoskopııalyq ádispen operasııa jasaldy. Prezıdenttik klınıka mamandary endoskopısti ashyq aralasýsyz, denege tabıǵı sańylaý jasaý arqyly ony alyp tastady. Qazirgi ýaqytta pasıent ózin jaqsy sezinetinin aıtty.
«Tekserý nátıjesinde isik tabyldy. Dáriger-endoskopıst Jeńisbek Tynkozıev konsýltasııa berip, endoskopııalyq operasııa jasaýdy usyndy. Iаǵnı ish qýysyna ashyq operasııa jasalmaıdy eken. Árıne, qaýip te bar edi. Biraq operasııa sol kezdegi jalǵyz, durys sheshim boldy. Onyń ústine dárigerdiń kásibıligine sendim. Operasııadan keıingi kezeń jaqsy ótti, qazir densaýlyǵym jaqsy, dárigerdiń usynystaryn oryndap otyrdym. Mine, tórt aı ótti, ózimdi jaqsy sezinemin», deıdi Janat.
Operasııa endoskopııalyq tásilmen jasalǵandyqtan, pasıent operasııadan soń eki saǵattan keıin úıine shyǵaryldy. Úsh aıdan keıin qaıta tekserý júrgizildi. Tekserý nátıjeleri tańǵalarlyqtaı.
«О́kinishke qaraı, mundaı operasııaǵa barlyq pasıent jaraı bermeıdi. Operasııadan keıin isiktiń ornyn muqııat tekserdik. Úsh aı ǵana ótti ǵoı, al operasııa bir jyl buryn jasalǵan sııaqty. Mundaı nátıjege qalaı qýanbaısyń», deıdi dáriger J.Tynkozıev.
Onyń aıtýynsha, erte satyda jańa damyp kele jatqan kishkentaı isikterdi endoskopııalyq ádispen alyp tastaýǵa bolady. Sondyqtan da dáriger adamdarǵa óz densaýlyǵyn únemi tekserip, baqylap otyrýdy usynady.
