Qyzylorda: Bıyl aǵash otyrǵyzý taǵy jalǵasyn tapty

Qyzylorda qalasynda bıyl aǵash otyrǵyzý taǵy jalǵasyn tapty. Bul týraly qalalyq ishki saıasat bóliminiń basshysy Baldyrǵan Mámen habarlady. Qyzylorda qalalyq ishki saıasat bóliminiń uıymdastyrýymen «Aǵash ek, gúl ek, týǵan jerdi túlet» sharasy ótkizildi. Igi iske qala ákimi Nurlybek Nálibaev, oblystyq máslıhat hatshysy Bekmyrza Elamanov jáne qalalyq máslıhat hatshysy Ibadýlla Quttyqojaev, sondaı-aq ardagerler, batyr analar, úkimettik emes uıymdar men jastar uıymdarynyń jetekshileri onyń belsendi músheleri, saıası partııa fılıaldarynyń jetekshileri qatysty. Bul sharany ótkizýdegi negizgi maqsat – ata-babamyzdan kele jatqan aǵash otyrǵyzý isin odan ári jalǵastyrý. Osy Naýryz merekesi qarsańynda «Taǵzym alańy» mańyna da jańa kóshetter otyrǵyzyldy. Kópti kórgen qarııalar bul isti uıymdastyrǵan jastarǵa batasyn berip, rızashylyǵyn bildirdi. Qala ákimi Nurlybek Nálibaevtiń málimdeýinshe, bıyl «Taǵzym alańyna kúrdeli jóndeý jumystary júrgizilýde. Jalpy, qalanyń kórkeıtý-kógaldandyrý, abattandyrý jáne tazalyq jumystaryna 2 mlrd. 676 mln. teńge bólý qarastyrylǵan. Ámirhan Almaǵanbetov. Derekkóz: Qyzylorda qalalyq ishki saıasat bólimi. Foto: Qyzylorda qalalyq ishki saıasat bólimi.