Eldi 2007 jyldan beri basqaryp kele jatqan prezıdent Gýrbangýly Berdimuhamedov qyzmetten ketýge nıetti ekenin ashyq aıtty. Sarapshylar aldaǵy saılaýda jeńiske jetý múmkindigi qazirgi bıleýshiniń qolynda dep esepteıdi. «Qabyldanǵan tıisti qaýlyǵa sáıkes 2022 jylǵy 12 naýryzda Túrikmenstan prezıdentiniń merziminen buryn saılaýy ótedi», delingen eldiń Ortalyq saılaý komıssııasy taratqan habarlamada.
Túrikmenstan prezıdenti elde tolyq bılikke ıe ári konstıtýsııaǵa sáıkes, prezıdenttikke túsý merzimi shektelmegen. Degenmen ótken jumada Gýrbangýly Berdimuhamedovtiń tóraǵalyǵymen ótken parlamenttiń joǵarǵy palatasynyń otyrysynan keıin prezıdent «qıyn sheshim qabyldaǵanyn» málimdedi. «Men elimizdiń qazirgi damý kezeńinde memleketti basqarýdy rýhanı ortada jáne jańa zaman talaptaryna saı tárbıelengen jas basshylarǵa berý kerek degen oıdy qoldaımyn. Halyq máslıhatynyń tóraǵasy retinde ózimniń mol ómirlik jáne saıası tájirıbemdi osy salaǵa baǵyttaýǵa nıettimin», dedi prezıdent Gýrbangýly Berdimuhamedov.
