«Taraz qalasy ákiminiń ókimi boıynsha, Baqdáýlet Sarıev qala ákiminiń orynbasary bolyp taǵaıyndaldy. Ol ishki saıasat, densaýlyq saqtaý, bilim berý, mádenıet jáne tilderdi damytý, sport jáne jastar saıasaty salalaryn qadaǵalaıdy», delingen habarlamada.
Baqdáýlet Sarıev eńbek jolyn 2015 jyly Almaty qalasy Ishki saıasat basqarmasynyń Alataý, Medeý aýdandary boıynsha aýmaqtyq bóliminiń bas mamany bolyp bastaǵan.
2015-2017 jyldary - Almaty qalasy Ishki saıasat basqarmasynyń qoǵamdyq-saıası jumys bóliminiń bas mamany.
2017 jyldan 2020 jylǵa deıin Aqparat jáne qoǵamdyq damý mınıstrliginiń Azamattyq qoǵam isteri komıtetiniń bas sarapshysy, basqarma basshysy bolyp jumys istegen.
2020-2021 jyldary - Jambyl oblysy ákimi apparatynyń áleýmettik-saıası monıtorıng bóliminiń basshysy.
2021-2022 jyldary - Taraz qalasy ákimi apparatynyń basshysy.
