Shymkentte Naýryz merekesi aıasynda aıtys ótti

Ońtústik Qazaqstan oblysynyń ortalyǵy – Shymkent qalasynda Naýryz merekesi baǵdarlamasy aıasynda 4 kúnge sozylǵan aqyndary aıtysy bolyp ótti. Oǵan oblys aqyndary qatysty. Bul týraly otyrar.kz habarlady. Aıtystyń aqtyq aıqasyna 12 úzdik aqyn joldama aldy. Saıys qorytyndysynda bas júldeni Marjan Esjanova jeńip aldy. Oǵan 500 myń teńge syıaqy tapsyryldy. Birinshi orynǵa Qajymuqan Abzalov shyqty. Ekinshi oryndy Ashat Sadyqbek pen Nurlan Esenqulov enshiledi. Úshinshi orynǵa Jarqynbek Naýshabek, Anar Japarqulova jáne Birjan Baıtýov ornalasty. Bulardyń bári alǵan oryndaryna qaraı aqshalaı syılyqtarǵa ıe boldy. Sol sııaqty úshtikke kirmegen aqyndarǵa 30 myń teńgeden júlde tartyldy. Aıtys shymyldyǵyn jaber kezde osy dodanyń bas júldegeri Marjan Esjanova sóz alyp, óziniń 25 jylǵa sozylǵan aıtyskerlik saparyn aıaqtap, sahnamen qoshtasatynyn jetkizdi. Murat Aıtqoja. Derekkóz: otyrar.kz. Foto: otyrar.kz.