Depýtattardyń memlekettik organdar men kvazımemlekettik sektor ókilderimen kezdesýin Senattyń Qarjy jáne bıýdjet komıtetiniń tóraǵasy Serikbaı Trumov júrgizip otyrdy.
«Qarjy mınıstrliginiń málimeti boıynsha, 2022 jylǵy 1 qańtardaǵy jaǵdaı boıynsha Qazaqstan Respýblıkasy Úkimetiniń syrtqy qaryzynyń kólemi jáne kvazımemlekettik sektordyń syrtqy boryshy 37,1 mlrd dollardy quraıdy, bul Ulttyq qor aktıvteriniń 67 paıyzy, ıaǵnı shegine jaqyndady. Barlyq derlik mınıstrlikterdiń, sondaı-aq jekelegen jergilikti atqarýshy organdardyń jáne kvazımemlekettik sektordyń syrtqy nesıeleri bar. Sondyqtan olar úshin syrtqy nesıelerdi josparlaý men paıdalanýdyń tıimdiligi mańyzdy jáne sheshýshi bolýy kerek», dedi Serikbaı Trumov.
Senatorlar bul aqshany tıimdi paıdalanýda syrtqy qaryzdyń ósýine jáne memleket qarjysyn tıimsiz paıdalanýǵa ákeletin júıeli problemalar bar dep sanaıdy.
Senator Sultanbek Mákejanov memlekettik organdar men ákimdikterdiń jáne kvazımemlekettik sektordyń kóptegen jobalary boıynsha qaryzdy ıgerý boıynsha aqparat joq. Buǵan qosa qaryzdy ıgerý merzimi uzartylýda. Sondaı-aq, jobalardy iske asyrýdyń áleýmettik-ekonomıkalyq tıimdiligi tolyq ashylmaǵanyn jáne memlekettik organdar tarapynan osyndaı jobalardyń iske asýyna baqylaý men monıtorıng álsiz ekenin aıtty.
Komıtet tóraǵasy kezdesý qorytyndysynda barlyq salalyq mekemeler, birinshi kezekte Ulttyq ekonomıka jáne qarjy mınıstrlikteri aıtylǵan eskertýler men usynystar boıynsha jumys isteýi qajettigin, syrtqy qaryzdardy basqarý men retteýdi jetildirý jumystaryn jalǵastyrýy tıis ekenin aıtty.
