Bul týraly Úkimettiń resmı saıty málim etti.
Qazirgi kezde Almaty Qazaqstannyń eń iri saýda jáne mádenı ortalyǵy bolyp tabylady. QR-da tirkelgen kásiporyndardyń úshten bir bóligi osy qalada ornalasqan.
«Saýda Almaty ekonomıkasynyń negizgi salasy bolyp tabylady. 2021 jyly bólshek saýdanyń ósýi 13,5%, kólemi – 4 trln 212 mlrd teńgeni qurady. QR-nyń bólshek saýda kólemindegi Almatynyń bólshek saýda úlesi 31,5% quraıdy», dedi Baqyt Sultanov.
Premer-Mınıstrdiń orynbasary – QR saýda jáne ıntegrasııa mınıstri Baqyt Sultanovtyń aıtýynsha, qańtardaǵy oqıǵalar jekelegen bıznes sýbektileriniń, ásirese, saýda salasyndaǵy jumysyna teris áser etti. Búgingi tańda úkimettik komıssııa zardap shekken kásipkerlerge keltirilgen shyǵyndy óteý tetigin bekitti, oǵan birqatar ózgerister engizý usynylady.
Almaty qalasynyń óńirlik komıssııasy qoldanystaǵy tetikke ózgerister engizýdi usyndy. Almaty ákimi Erbolat Dosaev málimdegendeı, shyǵynnyń barlyq sanattary úshin 10 mln teńgege deıingi tólem somasymen jeńildetilgen esep boıynsha zalaldy óteýdi júzege asyrý, sondaı-aq «jabdyq» sanaty úshin jeńildetilgen tetikti qoldaný jáne advokattardyń qyzmetterine aqy tóleýdi óteý usynyldy.
«Bul ótinimderdi qaraý merzimin 1 aıdan 2 aptaǵa deıin qysqartýǵa jáne bızneske keltirilgen shyǵyndy óteý rásimin edáýir jedeldetýge múmkindik beredi», dedi Almaty ákimi Erbolat Dosaev.
Sondaı-aq áleýmettik mańyzy bar azyq-túlik taýarlarynyń baǵasyn turaqtandyrý máselesi talqylandy «Aınalymdaǵy» qaryzdar aıasynda ÁMAT baǵasyn turaqtandyrý úshin jergilikti bıýdjetten kókónis, et ónimderi, jumyrtqa jáne bakaleıa baǵalaryn belgileý úshin 11 mlrd teńge bólindi.
Sondaı-aq áleýmettik nan, sút ónimderi men kúnbaǵys maıynyń iri óndirýshilerine qaryz bólý pysyqtalýda. Budan basqa, qala ákimdiginde Premer-Mınıstrdiń orynbasaryna baıandalǵandaı, qazirgi kezde ákimdik jeńildikpen qarjylandyrý jáne ýaqytsha saqtaý qoımalaryn salý úshin qala sheginde jer telimderin bólý arqyly shaǵyn habtar qurý múmkindigin qarastyrýda. Bul úı janyndaǵy dúkenderdiń alypsatarlarǵa táýeldiligin tómendetýge, shaǵyn saýda núkteleriniń ıelerin iri kóterme saýda bazarlarynda óz betinshe saýda-sattyq jasaý qajettiginen qutqarýǵa múmkindik beredi.
Bul tutastaı alǵanda shaǵyn ishki dúkenderdegi baǵa deńgeıine oń áser etýi kerek. Keńes qorytyndysy boıynsha Baqyt Sultanov Almaty ákimdigine jáne QR SIM-niń Saýda komıtetine baǵalardy monıtorıngteý jáne taldaý boıynsha jumysty jalǵastyrýdy, ÁMAT baǵalaryn turaqtandyrý aıasynda «aınalym syzbasyn» ulǵaıtý boıynsha sharalar qabyldaýdy, azyq-túlik taýarlaryna baǵa belgileýdiń barlyq tizbegi boıynsha deldaldyq syzbalardy tekserý jónindegi óńirlik komıssııalardyń qyzmetin jandandyrýdy, sondaı-aq zardap shekken kásipkerlik sýbektilerine kómek kórsetý jáne ótemaqy tóleý jónindegi jumysty jalǵastyrýdy tapsyrdy.
