Nátıjesinde senatorlar tıisti qaýlyny qabyldap, Jańylsyn Arharova Joǵarǵy Sot sýdıasy qyzmetinen bosatyldy.
Sonymen qatar otyrys barysynda eki zań qaralyp, qabyldandy. Olardyń biri EAEO-nyń ortaq elektr energetıkalyq naryǵynda elektr energetıkasy salasyndaǵy tabıǵı monopolııalar sýbektileriniń qyzmetin retteý men baqylaý tártibin reglamentteıdi. Mundaı normalar «2014 jylǵy 29 mamyrdaǵy Eýrazııalyq ekonomıkalyq odaq týraly shartqa (Eýrazııalyq ekonomıkalyq odaqtyń ortaq elektr energetıkalyq naryǵyn qalyptastyrý bóliginde) ózgerister engizý týraly hattamany ratıfıkasııalaý týraly» zańda jazylǵan.
«Qabyldaǵan zań Eýrazııalyq ekonomıkalyq odaqta ortaq elektr energetıkalyq naryq qalyptastyrýdy jáne Uıymǵa múshe memleketter arasynda ádil básekelestikti qamtamasyz etýdi kózdeıdi. Sondaı-aq bul qujat ekonomıkalyq ózara tıimdi jáne teń quqyly yntymaqtastyqty odan ári nyǵaıtýǵa arnalǵan. Aldaǵy ýaqytta munyń bári Eýrazııalyq ekonomıkalyq odaqqa múshe elderdiń energetıkalyq qaýipsizdigin arttyrýǵa septigin tıgizedi dep senemiz», dedi zań týraly pikir bildirgen Máýlen Áshimbaev.
Otyrys kezinde senatorlar «Qazaqstan Respýblıkasy men Reseı Federasııasy arasyndaǵy áskerı yntymaqtastyq týraly shartty ratıfıkasııalaý týraly» zańdy da qabyldady. Bul kelisimge 1994 jyly qabyldanǵan aldyńǵy Sharttyń normalaryn jandandyrý úshin 2020 jyly qol qoıyldy. Sebebi aldyńǵy Sharttyń erejeleri búgingi talaptarmen salystyrǵanda eskirgen nemese qazirdiń ózinde iske asyrylǵan.
Shart áskerı ózara is-qımyldy nyǵaıtýǵa, óńirlik qaýipsizdiktiń syn-qaterleri men qaýipterine qarsy áreket etýge, tıisti máseleler boıynsha shtabtyq kelissózder men konsýltasııalar ótkizýge arnalǵan. Qujat jedel jáne jaýyngerlik daıarlyq baǵytyndaǵy yntymaqtastyqty, atap aıtqanda, birlesken oqý-jattyǵýlar ótkizýdi de qamtıdy.
Sondaı-aq otyrysta senatorlar ózderiniń depýtattyq saýaldaryn joldady.
Aqylbek Kúrishbaev byltyr elimizde 30 jylda bolmaǵan qýańshylyq oryn alyp, saldarynan agrobıznes salasy aıtarlyqtaı zardap shekkenine nazar aýdardy. Soǵan baılanysty ol aldaǵy egis naýqanyna ýaqtyly daıyndyqty qamtamasyz etý úshin sharýalarǵa memleket tarapynan tolyq kólemde jáne sapaly qoldaý kórsetýdi usyndy.
Dınar Nóketaeva elimizdiń ishki kóshi-qon saıasatynyń ıdeologııasy men naqty baǵyt-baǵdaryn qalyptastyrý qajettigin atap ótti.
Súıindik Aldashev Úkimetti Jańaózen qalasyndaǵy problemalyq máselelerdi sheshýge shaqyryp, óńir turǵyndaryn jumyspen qamtamasyz etý, qazirgi óndiris oryndaryn ártaraptandyrý jáne jańalaryn ashý jónindegi usynystaryn jetkizdi.
Sultan Dúısembınov eldegi dinı ahýaldy tereń zerdeleý arqyly dinı ekstremızm men terrorızmge qarsy is-qımyl jónindegi jańa memlekettik baǵdarlama daıyndaý kerektigin aıtty.
Andreı Lýkın sýbsıdııa alý úshin sharýalar ótinim beretin «Qoldau.kz» platformasyn memlekettiń menshigine berýdi surady. Qazirgi tańda fermerler ótinim berý múmkindigi úshin ǵana 1,7 mlrd teńgeden astam qarajat tóleýge májbúr bolyp otyr. Al negizi mundaı rásimder eGov elektrondyq úkimet portalynda tegin bolýǵa tıis.
