Ishki ister mınıstrligi qańtar oqıǵalaryn tergeý men eldegi quqyqtyq tártipti qamtamasyz etý boıynsha jumystardy jalǵastyryp jatyr. Qazirgi ýaqytta Ishki ister organdary tergeýshileriniń qaraýynda 2729 qylmys is bar, olar boıynsha 255 adam kúzetpen ustalǵan.
«Sonymen birge jasaǵan áreketiniń aýyrlyǵyn, jeke basynyń minezdemesin eske otyryp, sottar 140 adamǵa qoǵamnan alshaqtatýǵa baılanysty emes bultartpaý sharalaryn taǵaıyndady: úıqamaq - 62, kepil - 33, eshqaıda shyqpaý týraly qolhat - 45. Buryn atalǵandaı qylmystyq isterdiń negizgi bóligi kelesi qylmystar boıynsha tergelýde: urlyq - 1 844, qarýdyń zańsyz aınalymy - 343, múlikti qasaqana búldirý nemese joıý – 144», dedi Sanjar Ádilov.
Sondaı-aq qylmystyq ister boıynsha 1,5 myńnan asa jeke jáne zańdy tulǵalar jábirlenýshi dep tanylǵan.
«12 myńnan astam adamnan jaýap alynǵan, 2 myńnan astam ártúrli sot saraptamalary taǵaıyndalǵan. Sotqa deıingi tergeýdiń sapasyna jáne onyń jedel aıaqtalýy erekshe nazarǵa alynǵan», dedi ol.
