«Qylmystyq qýdalaý organdary qańtarda oryn alǵan oqıǵanyń egjeı-tegjeıli kórinisin anyqtap jatyr. Búginde azamattardyń bastapqyda beıbit mıtıngke barǵanyn, sodan keıin buǵan qylmystyq jáne destrýktıvti kúshter aralasyp, memlekettik bılikti basyp alý maqsatynda terrorızm aktilerin jasaǵanyn kórip otyrmyz», dedi Eldos Qılymjanov OKQ brıfınginde.
Onyń aıtýynsha, qylmyskerler memlekettik organdardyń nysandaryna arnaıy shabýyl jasap, ártúrli aımaqtarda jappaı tártipsizdik jasaǵan.
«Osylaısha olar qosymsha quqyq qorǵaý kúshteriniń kelýine jol bermeýge tyrysty. Oǵan Atyraý oblysy mysal bola alady. Qaýipsizdik kúshteriniń syrttan kelýi olardyń josparlaryna kedergi keltirýi múmkin dep qorqyp, qylmyskerler temirjoldardy jaýyp, 3 jolaýshylar men 5 júk poıyzdarynyń qozǵalysyn toqtatty», dep eske aldy Bas prokýratýranyń ókili.
«Ári qaraı olar polısııa men ulttyq gvardııa sarbazdaryna shabýyl jasady. 18 jastaǵy qarýsyz jedel qyzmet soldaty ortalyq kópirden laqtyryldy. Sarbaz aman qaldy», dedi E.Kılyjmanov.
