Atap aıtqanda, daýys berý kezinde paıdalanylatyn Senat depýtatyn saılaý jónindegi saılaý bıýlletenderine «barlyǵyna qarsymyn» degen baǵan engizý josparlanýda.
Osylaısha, daýystardy sanaý nátıjeleri týraly saılaý komıssııalarynyń hattamalaryna jáne daýystardy sanaý nátıjeleri týraly habarlaý nysanyna da tıisti ózgerister engiziletin bolady.
Bıýlleten kelesi jaǵdaılarda jaramsyz dep tanylady:
- Belgilenbegen úlgide bolsa;
- Tıisti saılaý komıssııasy múshesiniń qoly qoıylmasa;
- Bireýden artyq kandıdat belgilense;
- Belgi qaryndashpen qoıylsa, tazartý izderi nemese basqa da ádister qoldanylsa;
- Saılaýshynyń tańdaýyn anyqtaý múmkin emes bolsa.
OSK qaýlysynyń jobasy 9 naýryzǵa deıin «Ashyq NQA» saıtynda jarııa talqylaý úshin ornalastyrylǵan.
