Kezdesýde sý resýrstaryn basqarý jáne paıdalaný máselelerin sheshýdiń mańyzdylyǵyn túsiný, múddeli elder arasyndaǵy kóp qyrly yntymaqtastyqtyń oń úrdisteri atap ótildi.
R. Sklıar óz sózinde Qazaqstan tarapy Aral teńizine transshekaralyq ózenderdiń aǵynynyń qalyptasý aımaǵynan josparlanǵan ekspedısııany qoldaıtynyn, sondaı-aq osy ekspedısııany sátti uıymdastyrý men ótkizýge kómek kórsetýge daıyn ekenin atap ótti.
Sonymen qatar ırrıgasııa men energetıka múddelerin eskere otyryp, óńirdiń sý-energetıkalyq resýrstaryn tıimdi paıdalaný mehanızmin qarastyratyn О́ńirlik sý-energetıkalyq konsorsıýmyn qurý máselesin qarastyrý usynylady. Aral teńizi basseıniniń sý sharýashylyǵyn, ekologııalyq jáne áleýmettik-ekonomıkalyq jaǵdaıyn jaqsartý qajettiligi turǵysynda qatysýshylar aımaqtyq uıymdardyń rólin kúsheıtýdiń jáne aımaqtaǵy barlyq elderdiń qajettilikteri men múddelerin eskere otyryp, sý-energetıkalyq resýrstardy paıdalaný salasyndaǵy tıimdi sharalardy ázirleýdi jalǵastyrýdyń mańyzdylyǵyn atap ótti.
Araldy qutqarý halyqaralyq qorynyń basqarma otyrysynyń nátıjesinde tıisti hattamalar men qujattarǵa qol qoıyldy.
Sondaı-aq, kezdesýge Tájikstan Respýblıkasy men О́zbekstan Respýblıkasy Premer-Mınıstrleriniń orynbasarlary, Túrikmenstannyń Sý resýrstary komıtetiniń tóraǵasy, Araldy qutqarý halyqaralyq qoryna múshe elderdiń múddeli vedomstvolarynyń jaýapty qyzmetkerleri qatysty.
