Prezıdent • 22 Aqpan, 2022

Jumysshylarǵa laıyqty eńbekaqy tólenýi tıis – Prezıdent

620 ret

kórsetildi

1 mın

oqý úshin

Beınebaılanys rejıminde ótken kezdesýde Qasym-Jomart Toqaev pen Lakshmı Mıttal «ArselorMıttal Temirtaý» kompanııasynyń jumysyna qatysty birqatar ózekti máseleni talqylady, dep habarlaıdy Egemen.kz Aqordaǵa silteme jasap.

Tabıǵat MUSYLMANQUL

Jumysshylarǵa laıyqty eńbekaqy tólenýi tıis – Prezıdent

Prezıdentke kompanııanyń ınvestısııalyq baǵdarlamasy jáne óndiristi ulǵaıtý, ónimniń jańa túrlerin shyǵarý, sondaı-aq Qazaqstanmen aldaǵy ýaqyttaǵy seriktestik aıasynda áleýmettik mindettemelerdi oryndaý jónindegi jospary týraly málimet berildi. Sondaı-aq qural-jabdyqtardy jańartý, materıaldyq-tehnıkalyq bazany jaqsartý, kásiporyndardaǵy eńbekti qorǵaý máseleleri qarastyryldy.

Memleket basshysy qaýipsiz jumys ortasyn qamtamasyz etýdiń, halyqaralyq qaýipsizdik talaptaryn saqtaýdyń jáne qyzmetkerlerdi oqytýdyń asa mańyzdy ekenin atap ótti. Qasym-Jomart Toqaev qazaqstandyq jumysshylarǵa laıyqty eńbekaqy tólenýge tıis ekenin aıtty.

Sonymen qatar «ArselorMıttal Temirtaý» kompanııasynyń 2024 jylǵa qaraı qaldyqtardy 30 paıyzǵa, al 2030 jylǵa qaraı 50 paıyzǵa azaıtý, sondaı-aq osy strategııany iske asyrýǵa Qaraǵandy oblysynyń jurtshylyǵyn tartý úshin qabyldap jatqan sharalaryna erekshe nazar aýdaryldy.