Qala ákimi Murat Áıtenov jas zertteýshiler baıqaýyna baryp, qatysýshylardyń ǵylymı jobalarymen tanysty.
Mundaı baıqaý jastardyń jaratylystaný ǵylymdaryna qyzyǵýshylyǵyn arttyryp, joǵary synyp oqýshylaryn ǵylym men tehnıkanyń ár túrli salalaryna baǵyttaýdyń alǵy sharty.
Dástúrli baıqaý bul joly alǵash ret halyqaralyq standartqa saı kórme túrinde uıymdastyryldy. Qorytyndy kezeńde 749 jas ónertapqyshtyń avtorlyǵymen 596 ǵylymı joba usynyldy.
Baıqaý tórt baǵyt boıynsha ótkizilýde: «Ǵylymı-tehnıkalyq progress – ekonomıkalyq ósýdiń negizgi býyny», «Ekonomıkalyq jáne áleýmettik prosesterdi matematıkalyq modeldeý», «Taza tabıǵı orta», «Qazaqstannyń tarıhı eskertkishteri jáne bolashaǵy bar saıahat baǵdarlary».
Konkýrs qorytyndysy boıynsha jeńimpazdar men júldegerler Bilim jáne ǵylym mınıstrliginiń I, II, III dárejeli dıplomy tabystalyp, altyn, kúmis jáne qola medaldarymen marapattalady.
Jeńimpazdardan turatyn qurama komanda jyl saıynǵy ISEF-2022 (AQSh) oqýshylarynyń halyqaralyq ǵylymı jobalar konkýrsyna óz jumystaryn usynady.
