Elbasy Nursultan Nazarbaevtyń týǵan jeri hám kindik qany tamǵan qutty mekeninde toılanǵan naýryz meıramy aýyldyń aýyzbirshiligin, eldiń yntymaǵyn kórsetti.
Qarasaı aýdanynda, onyń ishinde Úshqońyr aýylynda bıylǵy naýryz merekesi jyldaǵydan ózgerek atalyp ótti. Bul jolǵy keńinen toılanǵan áz Naýryzdyń bastamashylary da, ıeleri de, uıymdastyrýshylary da – tikeleı Elbasy áýleti boldy. Ánıpa Ábishqyzy men Bolat Ábishuly óz úıleriniń esiginiń aldyna burynǵy ata salt-dástúr boıynsha kıiz úıler tigip, aýyldastaryna dastarqan jaıyp, naýryz kójege shaqyrdy. Ulttyq taǵamdar men ulttyq sýsyndar samsaǵan dastarqannan úlkenderge sybaǵalaryn tartty.
Elbasynyń «Týǵan jerim, raqym nury tunǵan jerim» dep jyrlaǵan burynǵy Shamalǵan, qazirgi Úshqońyr aýylynda búginde qyryqqa jýyq ult ókilderi tatý-tátti tirshilik etýde. On bes myńnan asatyn halyqqa jańadan salynǵan kópsalaly 50 tósektik aýrýhana, 150 adamdy birden qabyldaıtyn emhana, óskeleń urpaqqa tııanaqty bilim beretin aýyldaǵy zamanaýı úlgidegi tórt mektep qyzmet kórsetedi. Onyń ishinde Elbasy oqyǵan Qarasaı batyr (burynǵy Fýrmanov) mektebiniń orny eren. О́ıtkeni, ondaǵy «Shapaǵat» tarıhı-ólketaný murajaıy aýyl tarıhy men Elbasynyń ómiri men eńbek jolynan syr shertedi. Sondaı-aq, Sý sharýashylyǵy kolledji, «Kúmbezdi el – kórikti» demekshi, anadaıdan menmundalap turǵan Qarasaı meshiti, Mádenıet úıi, Jastar ortalyǵy – aýyldyń ajaryna ajar qosyp tur. Úshqońyr aýyldyq okrýginiń ákimi Ádilbek Dalabaevtyń aıtýynsha, aýylda aýyz sý, kógildir otyn máselesi de sheshilip, ortalyq kósheler samaladaı jarqyraıdy. Soǵan qaraǵanda aýyl kelbeti, onyń tynys-tirshiligi búginde súısinerlik jaǵdaıda. Úlken-kishisine izet bildirip, syılastyǵy jarasqan, mereıi ústem eldi mekende Elbasynyń kindik qany tamyp, týyp-ósken, balalyq shaǵyn ótkizgen qara-shańyraqtyń da tútini túzý shyǵyp, oty óshpeı mazdap tur.
Aýyl adamdary men qonaqtaryn naýryz merekesimen Parlament Senatynyń depýtaty Lázzat Turlashev quttyqtap, izgi tilegin bildirdi. «Úshqońyrlyqtar qazaq eliniń Tuńǵysh Prezıdenti Nursultan Nazarbaevtyń osy kıeli topyraqta týyp-óskenin árdaıym maqtan tutyp, tileýin tilep otyrady. Elbasymyz 21 naýryzda Astanadaǵy Qazaq eli alańynda qazaqstandyqtardy ulyq merekesimen quttyqtap, jıyrma úsh jyl boıy táýelsiz memleketimiz óz jolymen júrip, qyrýar tógilgen eńbektiń arqasynda úlken jetistikterge qol jetkizgenin aıta kele, qazaq halqynyń aldynda turǵan úlken maqsat – 2050 jyly otyz damyǵan eldiń qataryna ený bolyp tabylatynyn, al oǵan jetý úshin halyqqa bereke-birlik, yntymaq kerek, yntymaǵy jarasqan el bolaıyq degen ataly sózin bildirdi. Mine, osy tilekten artyq ne aıtýǵa bolady. Bereke-birligimiz artyp, yntymaǵymyz jarassyn, Elbasymyzǵa uzaq ómir bersin, kópultty memleketimizdi tek bıikten kóreıik, qashanda birligi jarasqan el bolaıyq, aǵaıyn», – dedi.
Bir kıer ulttyq kıimderin kıgen úshqońyrlyqtar máre-sáre. Ájeler qazaqy kóılekterin kıip, nemerelerin jetektep merekeniń sánin asyrdy. Qazaqtyń qaı merekesi oıyn-saýyq, án-jyrsyz ótken. Totydaıyn taranyp, suńqardaıyn sylanǵan aýyl ánshileri shyrqata án salsa, kımeshek kıgen ájelerimiz aýyldyń altyaýyzyn aıtty. Eń bir úlgi bolarlyq jaıt, úlken aýyldyń kelinderi – Svetlana Myrzahmetqyzy, Gúljan Tólegenqyzy bastap Elbasyna, aýyldyń úlkenderine sálem saldy. Al sálem salǵan analarǵa Nuraǵanyń áýleti atynan yqylas gúli tabys etilip, jaqsy dástúrmen merekeniń mazmunyn arttyrdy. Al Jambyl aýdanynan kelgen osy áýlettiń úlkeni, Elbasyna bes jasynan dombyra úıretken marqum Aqabaı Moldahmetovtiń zaıyby Merýert apaı óziniń osy aýylǵa kelin bolyp túskenine alpys bir jyl tolǵanyn, al búgingi qonaqjaı dastarqan jasap otyrǵan qaıyn sińlisi Saryqyzǵa (Ánıpa Ábishqyzy), Bolat qaınysyna, sálem salǵan kelinderge analyq batasyn berdi.
«Naýryz merekesin ulyqtap, onyń mártebesin asyryp, tárbıelik mánin arttyryp, tereń uǵyntý – biz sııaqty aǵa urpaq ókilderiniń enshisinde dep oılaımyn, – dedi osy ıgi istiń bastamashysy Ánıpa Ábishqyzy. – О́ıtkeni, jahandaný úderisinen týyndaıtyn, jastarymyzdy ýlaıtyn jaǵymsyz jaıttardyń aldyn alýda osyndaı ulttyq mereke, ulttyq salt-dástúrlerdiń erekshe mańyzy bar. Endeshe, búgingi sharamyz atadan balaǵa mıras bolyp jalǵasyp kele jatqan dástúrimizge degen tamshydaı bolsa da úles» dese, «Naýryz merekesi erekshe jylylyǵymen, meıirimimen adamǵa erekshe kóńil syılaıdy. О́ıtkeni, tabıǵat-ana da jańaryp, sol kúni adamdar bir-birine jaqyndaı túsedi, bir-birine kórisip, keshirim jasasyp máre-sáre bolyp jatady. Elbasy atamekenge atizin sırek salǵanmen, týǵan jeri júreginiń bir túkpirinde júredi dep oılaımyn. О́ıtkeni, qashan kórgende aldymen el-jurttyń amandyǵyn, jaǵdaıyn suraıdy», – deıdi Nursultan Ábishulyna arnaǵan «Baýyrym» ánin oryndaǵan Bolat Ábishuly.
«Alyp otyz elge teńelip, qıynshylyq kórmeıik», dep tilek bildirgen Myrzabek Shymshyqov pen Ermek Toǵaıbaev syndy aýyl aǵalary úshqońyrlyqtarǵa osyndaı kóterińki kóńil-kúı syılap, naýryzdy toılaýǵa múmkindik jasaǵan úlken áýletke halyq atynan rahmet aıtyp, alǵys bildirdi.
Gúlzeınep SÁDIRQYZY,
«Egemen Qazaqstan».
Almaty oblysy.
–––––––––––––––––
Sýretterdi túsirgen
Nurbolhan QUDABAEV.
Qarasaı aýdanynda, onyń ishinde Úshqońyr aýylynda bıylǵy naýryz merekesi jyldaǵydan ózgerek atalyp ótti. Bul jolǵy keńinen toılanǵan áz Naýryzdyń bastamashylary da, ıeleri de, uıymdastyrýshylary da – tikeleı Elbasy áýleti boldy. Ánıpa Ábishqyzy men Bolat Ábishuly óz úıleriniń esiginiń aldyna burynǵy ata salt-dástúr boıynsha kıiz úıler tigip, aýyldastaryna dastarqan jaıyp, naýryz kójege shaqyrdy. Ulttyq taǵamdar men ulttyq sýsyndar samsaǵan dastarqannan úlkenderge sybaǵalaryn tartty.
Elbasynyń «Týǵan jerim, raqym nury tunǵan jerim» dep jyrlaǵan burynǵy Shamalǵan, qazirgi Úshqońyr aýylynda búginde qyryqqa jýyq ult ókilderi tatý-tátti tirshilik etýde. On bes myńnan asatyn halyqqa jańadan salynǵan kópsalaly 50 tósektik aýrýhana, 150 adamdy birden qabyldaıtyn emhana, óskeleń urpaqqa tııanaqty bilim beretin aýyldaǵy zamanaýı úlgidegi tórt mektep qyzmet kórsetedi. Onyń ishinde Elbasy oqyǵan Qarasaı batyr (burynǵy Fýrmanov) mektebiniń orny eren. О́ıtkeni, ondaǵy «Shapaǵat» tarıhı-ólketaný murajaıy aýyl tarıhy men Elbasynyń ómiri men eńbek jolynan syr shertedi. Sondaı-aq, Sý sharýashylyǵy kolledji, «Kúmbezdi el – kórikti» demekshi, anadaıdan menmundalap turǵan Qarasaı meshiti, Mádenıet úıi, Jastar ortalyǵy – aýyldyń ajaryna ajar qosyp tur. Úshqońyr aýyldyq okrýginiń ákimi Ádilbek Dalabaevtyń aıtýynsha, aýylda aýyz sý, kógildir otyn máselesi de sheshilip, ortalyq kósheler samaladaı jarqyraıdy. Soǵan qaraǵanda aýyl kelbeti, onyń tynys-tirshiligi búginde súısinerlik jaǵdaıda. Úlken-kishisine izet bildirip, syılastyǵy jarasqan, mereıi ústem eldi mekende Elbasynyń kindik qany tamyp, týyp-ósken, balalyq shaǵyn ótkizgen qara-shańyraqtyń da tútini túzý shyǵyp, oty óshpeı mazdap tur.
Aýyl adamdary men qonaqtaryn naýryz merekesimen Parlament Senatynyń depýtaty Lázzat Turlashev quttyqtap, izgi tilegin bildirdi. «Úshqońyrlyqtar qazaq eliniń Tuńǵysh Prezıdenti Nursultan Nazarbaevtyń osy kıeli topyraqta týyp-óskenin árdaıym maqtan tutyp, tileýin tilep otyrady. Elbasymyz 21 naýryzda Astanadaǵy Qazaq eli alańynda qazaqstandyqtardy ulyq merekesimen quttyqtap, jıyrma úsh jyl boıy táýelsiz memleketimiz óz jolymen júrip, qyrýar tógilgen eńbektiń arqasynda úlken jetistikterge qol jetkizgenin aıta kele, qazaq halqynyń aldynda turǵan úlken maqsat – 2050 jyly otyz damyǵan eldiń qataryna ený bolyp tabylatynyn, al oǵan jetý úshin halyqqa bereke-birlik, yntymaq kerek, yntymaǵy jarasqan el bolaıyq degen ataly sózin bildirdi. Mine, osy tilekten artyq ne aıtýǵa bolady. Bereke-birligimiz artyp, yntymaǵymyz jarassyn, Elbasymyzǵa uzaq ómir bersin, kópultty memleketimizdi tek bıikten kóreıik, qashanda birligi jarasqan el bolaıyq, aǵaıyn», – dedi.
Bir kıer ulttyq kıimderin kıgen úshqońyrlyqtar máre-sáre. Ájeler qazaqy kóılekterin kıip, nemerelerin jetektep merekeniń sánin asyrdy. Qazaqtyń qaı merekesi oıyn-saýyq, án-jyrsyz ótken. Totydaıyn taranyp, suńqardaıyn sylanǵan aýyl ánshileri shyrqata án salsa, kımeshek kıgen ájelerimiz aýyldyń altyaýyzyn aıtty. Eń bir úlgi bolarlyq jaıt, úlken aýyldyń kelinderi – Svetlana Myrzahmetqyzy, Gúljan Tólegenqyzy bastap Elbasyna, aýyldyń úlkenderine sálem saldy. Al sálem salǵan analarǵa Nuraǵanyń áýleti atynan yqylas gúli tabys etilip, jaqsy dástúrmen merekeniń mazmunyn arttyrdy. Al Jambyl aýdanynan kelgen osy áýlettiń úlkeni, Elbasyna bes jasynan dombyra úıretken marqum Aqabaı Moldahmetovtiń zaıyby Merýert apaı óziniń osy aýylǵa kelin bolyp túskenine alpys bir jyl tolǵanyn, al búgingi qonaqjaı dastarqan jasap otyrǵan qaıyn sińlisi Saryqyzǵa (Ánıpa Ábishqyzy), Bolat qaınysyna, sálem salǵan kelinderge analyq batasyn berdi.
«Naýryz merekesin ulyqtap, onyń mártebesin asyryp, tárbıelik mánin arttyryp, tereń uǵyntý – biz sııaqty aǵa urpaq ókilderiniń enshisinde dep oılaımyn, – dedi osy ıgi istiń bastamashysy Ánıpa Ábishqyzy. – О́ıtkeni, jahandaný úderisinen týyndaıtyn, jastarymyzdy ýlaıtyn jaǵymsyz jaıttardyń aldyn alýda osyndaı ulttyq mereke, ulttyq salt-dástúrlerdiń erekshe mańyzy bar. Endeshe, búgingi sharamyz atadan balaǵa mıras bolyp jalǵasyp kele jatqan dástúrimizge degen tamshydaı bolsa da úles» dese, «Naýryz merekesi erekshe jylylyǵymen, meıirimimen adamǵa erekshe kóńil syılaıdy. О́ıtkeni, tabıǵat-ana da jańaryp, sol kúni adamdar bir-birine jaqyndaı túsedi, bir-birine kórisip, keshirim jasasyp máre-sáre bolyp jatady. Elbasy atamekenge atizin sırek salǵanmen, týǵan jeri júreginiń bir túkpirinde júredi dep oılaımyn. О́ıtkeni, qashan kórgende aldymen el-jurttyń amandyǵyn, jaǵdaıyn suraıdy», – deıdi Nursultan Ábishulyna arnaǵan «Baýyrym» ánin oryndaǵan Bolat Ábishuly.
«Alyp otyz elge teńelip, qıynshylyq kórmeıik», dep tilek bildirgen Myrzabek Shymshyqov pen Ermek Toǵaıbaev syndy aýyl aǵalary úshqońyrlyqtarǵa osyndaı kóterińki kóńil-kúı syılap, naýryzdy toılaýǵa múmkindik jasaǵan úlken áýletke halyq atynan rahmet aıtyp, alǵys bildirdi.
Gúlzeınep SÁDIRQYZY,
«Egemen Qazaqstan».
Almaty oblysy.
–––––––––––––––––
Sýretterdi túsirgen
Nurbolhan QUDABAEV.
