Memleket basshysyna halyqaralyq arenadaǵy sońǵy oqıǵalarǵa baılanysty ekonomıkany damytýdyń daǵdarysqa qarsy josparynyń negizgi qyrlary tanystyryldy.
Prezıdentke qańtar oqıǵasy saldarynan zardap shekken shaǵyn jáne orta bıznes sýbektileriniń shyǵynyn óteýge jáne qıraǵan memlekettik nysandardy qaıta qalpyna keltirýge qatysty jumystar jaıynda málimet berildi.
Álıhan Smaıylov kásiporyndarǵa aparatyn temirjoldarǵa ıe tabıǵı monopolııalar nysandaryna belgilengen tarıfti tómendetý, óńdeý ónerkásibi men agroónerkásip keshenin damytý jóninde aıtty.
Qasym-Jomart Toqaevqa aýyl sharýashylyǵy taýarlaryn óndirýshilerdi sýbsıdııalaý júıesin jáne kedendik ákimshilendirý isin jetildirý máseleleri týraly málimet berildi.
Sonymen qatar Premer-Mınıstr Mańǵystaý oblysyn damytýdyń keshendi josparynyń júzege asyrylýy jáne 2022 jylǵa arnalǵan respýblıkalyq bıýdjetti naqtylaýǵa daıyndyq jumystary jóninde esep berdi.
