Áńgimelesý barysynda olar saýda-ekonomıkalyq, ınvestısııalyq jáne mádenı-gýmanıtarlyq yntymaqtastyqty odan ári nyǵaıtýǵa mán bere otyryp, qazaq-túrik strategııalyq seriktestiginiń damý perspektıvalaryn talqylady.
Qazaqstan kóshbasshysy Túrkııa Prezıdenti Rejep Taııp Erdoǵanǵa júrekjardy sálemin joldap, ony Qazaqstanǵa saparmen osy jyly kelýge shaqyrǵanyn taǵy da naqtylady. Sapar merzimi dıplomatııalyq kanaldar arqyly pysyqtalady.
Memleket basshysy kelesi aptada Nur-Sultanda ótetin Qazaqstan men Túrkııanyń Saýda-ekonomıkalyq yntymaqtastyq jónindegi memleketaralyq komıssııasynyń XII otyrysy ózara tıimdi seriktestikti odan ári damytýǵa yqpal etetinin aıtty. Qasym-Jomart Toqaev túrik kompanııalary qatysatyn birlesken jobalarǵa Qazaqstan Úkimeti tarapynan qoldaý kórsetiletinin rastady.
Mevlıýt Chavýshoǵlý kezdesýge múmkindik bergeni úshin Qazaqstan Prezıdentine alǵys aıtty. Sondaı-aq mınıstr qańtar oqıǵasy kezinde bolǵan qaıǵyly jaǵdaılarǵa baılanysty kóńil aıtyp, Qasym-Jomart Toqaevqa Rejep Taııp Erdoǵannyń sálemin jetkizdi.
Túrik dıplomaty Qazaqstan Prezıdentiniń basshylyǵymen júzege asyrylyp jatqan saıası jáne ekonomıkalyq reformalardy Túrkııanyń tolyq qoldaıtyny jóninde aıtty.
