«О́KM operator» JShS úlken jemqorlyq shemasynyń bir ǵana bólshegi edi. Onyń qyzmeti «Jasyl damý» AQ-ǵa berilgenimen, jemqorlyq shemasy joıylǵan joq. Burynǵy qalypta «qyzmet ete beretin» sekildi.
Úkimet pen Indýstrııa jáne ınfraqurylymdyq damý mınıstrligi eń aldymen elimizdegi avtokólik qurastyrý salasyn qoldaýǵa múddeli. Al elimizdegi Ekologııalyq kodekste ýtıl alymynyń qaǵıdasy anyq jazylǵan. Ýtıl alymy degenińiz – naqty kádege jaratý úshin jasalatyn tólem. Biz bir nárseni túsinbeımiz, qazaqstandyqtar jeke avtoóndiristi qoldaý úshin nege qomaqty qarajat tóleýge tıis? Tipti bul otandyq avtoóndiris te emes. Lokalızasııa da joq. Biz ony kópten beri aıtyp júrmiz. Tıisinshe, elimizde qurastyrylatyn qaı avtokóliktiń bolsyn qosalqy bólshegi jasalmaıdy. Barlyǵy shetelden satyp alynady. Iаǵnı siz ben biz ýtıl alymyna tólep júrgen qarajattyń bir bóligi shetel asyp jatyr.
Sondyqtan biz otandyq avtoóndiristi emes, sheteldik óndirýshilerdi qoldap júrmiz. Muny ádildik dep aıtýǵa kelmeıdi. Bul rette biz Ekologııalyq kodekske birqatar ózgeris engizýdi talap etemiz.
Nelikten «Jasyl damý» AQ-ǵa shekteýsiz quqyq berilip, olar óz kezeginde jeke avtoóndiristi qoldap otyr? Endeshe, Úkimet halyqqa ýtıl alymyn tóleýge mindetti ekenin ashyq aıtsyn. Qıturqy áreketti ýtıl alymyna jasyrýdyń qajeti joq. Nemese jeńil kólikke ýtıl alymyn 100 myń teńge mólsherinde etip, sosyn taǵy jeke avtoóndiristi qoldaýǵa qarajat tóleýdi mindettesin. Túsiniksiz, mánsiz hám maǵynasyz shyǵyndy tóleýge qazaqstandyqtardy qalaı mindetteıtinderin kórgim keledi.
Sanjar BOQAEV,
saıasattanýshy
