Baǵanyń eń joǵary jyldyq ósimi (Atyraý jáne Mańǵystaý oblystaryn qospaǵanda) Shyǵys Qazaqstan (jylyna 22,2%-ǵa), Jambyl (14,9%-ǵa) jáne Aqmola oblystarynda (14,5%-ke). Al ózgelermen salystyrǵanda baǵa eń az ósken óńir - Soltústik Qazaqstan oblysy (3,2%).
Batys Qazaqstan jáne Qyzylorda oblystarynda baǵa ózgergen joq. Kómirdiń tonnasy Tarazda 20,1 myń teńgege satylýda, Semeıde 11,4 myń teńge. Bul eń arzan sanalady.
Byltyr kómir baǵasy 5,2%-ǵa, al 2020 jyly — 3,3%-ǵa ósken bolatyn.
«Bıyl qańtarda Qazaqstannyń kómir óndirýshi kompanııalary 10,1 mıllıon tonna tas kómir, lıgnıt jáne kómir konsentratyn aldy. Bul ótken jyldyń qańtar aıymen salystyrǵanda 3,8%-ǵa az. О́ndirý kólemi boıynsha ádettegideı Pavlodar oblysy alda tur: 6,3 mıllıon tonna, jylyna mınýs 3%. Ekinshi jáne úshinshi orynda Qaraǵandy (2,9 mıllıon tonna) jáne Shyǵys Qazaqstan oblysy (854,2 myń tonna)», delingen aqparatta.
О́ndiristiń basym bóligi, ıaǵnı barlyq kólemniń 89,8%-y tas kómirge tıesili. Bıyl qańtarda 9,1 mıllıon tonna óndirildi.
Qazaqstan kómirge degen ishki suranysty tolyqtaı qamtamasyz etip otyr. Eksportqa da aıtarlyqtaı kólem ketedi. Byltyr Qazaqstannan eksportqa 500,1 mıllıon dollar somasyna 29,2 mıllıon tonna kómir jóneltilgen.
Qazaqstandyq kómir TMD elderinde úlken suranysqa ıe. Máselen, ótken jyly 392,6 mıllıon dollarǵa 23,2 mılıon tonna kómir jóneltildi. Eksporttyń jalpy kóleminiń 65,1%-y Reseıge jiberildi. Odan keıin tizimde Belarýs jáne Qyrǵyzstan.
TMD-ǵa kirmeıtin elderge Qazaqstan 107,5 mıllıon AQSh dollaryna alty mıllıon tonna kómir eksporttady. Bul tizimde Shveısarııa kósh bastap tur: 4,8 mıllıon tonna.
