Eki kún qatarynan ótetin bul kórmeniń jyl saıyn Jibek joly kóshesiniń boıynda ótýi jaıdan-jaı emes. Tabıǵı ónimderden asqan talǵammen jasalǵan kórkem dúnıelerdi kelýshiler Uly Jibek jolynyń boıymen ótken saýda kerýeniniń zamanaýı formasy retinde qabyldaıdy. Sońǵy on jyl kóleminde dástúrli sharaǵa aınalǵan qolóner kórmesine almatylyqtar ǵana emes, elimizdiń basqa óńirlerinen de sheberler qatysýda.
Kórmege qolóner buıymdarynyń myńnan astam túrleri qoıylǵan. Búginde sheberler qolónerlik kásipti jeke kásipkerlikpen ushtastyryp, osy salany damytýǵa barynsha úlesterin qosyp keledi. Qazaqstandyq sheberler jasaǵan buıymdar elimiz ǵana emes, Eýropa, Ortalyq Azııa elderine de tanymal.
Kórmeniń áleýmettik sıpaty da basym. Qazaqstan Qolónershiler palatasy osy joba aıasynda áleýmettik qorǵaýǵa muqtaj azamattardy jún men kıizden buıymdar daıyndaýǵa oqytý, zaǵıp jáne ǵarip jandardy jún men bylǵarydan buıymdar óńdeýge jáne daıyndaýǵa, jumyssyzdardy kúmis pen melhıordan zergerlik buıymdar jasaýǵa úıretýdi de maqsat etedi.
Sýretterdi túsirgen avtor.
